Ozbek-Tariyx-1-70-(каракалпак). indd

Hár túrli din wákillerine múnásibet.
Ilimiy derekler úlkemizde 
áyyem zamanlardan-aq zardushtlıq, buddizmlik, evreylik, xristianlıq 
sıyaqlı quramalı ideologiyalıq sistemaǵa iye dinler tınısh-tatıw jumıs 
alıp barǵanlıǵınan derek beredi. Bunday jaǵdaydı házirgi Ózbekstandaǵı 
islam, xristian, evrey dinleri hám basqa konfessiyalardıń óz ara 
qatnasıqları mısalında da kóriw múmkin.
Ulıwma, Ózbekstanda xızmet kórsetip atırǵan islamiy emes kon-
fessiyalar hár túrli isenimde bolǵan puqaralar ortasında tatıwlıq hám 
doslıq baylanısların bekkemlewde belgili 
dárejege iye.
Sonıń menen birge, Ózbekstanda 
islam dini menen bir qatarda, pravoslav-
lar, baptistler, evreyler, adventistler, kato-
likler, lyuteranlar, krishnaitler, buddistler, 
pyatidesyatnikler, Iegova sháhidleri, jańa 
havvoriyler, xristian-presviterianlar sıyaqlı 
birqansha din hám toparlar bar. Olardan 
hárbiriniń ózine tán ideologiyası, talap 
hám mútájlikleri bar.
Oraylıq Aziyadaǵı musılman hám 
basqa konfessiyalar ortasındaǵı qatna-
sıqlar hám siyasiy, hám turmıslıq 
dárejede eki tiykarǵı ózgeshelikke tiykarlanǵan bolıp, bular óz ara 
húrmet hám keńpeyillik bolıp esaplanadı. Bul qatnasıqlar hár qıylı 
dinler wákilleriniń qıyın tariyxıy procesler sınawların mártlik penen 
jeńip shıǵıwları nátiyjesinde qáliplesken. Elde tınıshlıq, rawajlanıw 
hám párawanlıq bolıwınan barlıq din wákilleri mápdar bolıp, ayırım 
konfessiyalar wákilleri Ózbekstanda hám shet elde shólkemlestirilip atır-
ǵan ruwxıy hám aǵartıwshılıq ilajlarındaǵı bayanatında respublikada 
diniy keńpeyillik hám jámiyetlik turaqlılıqtı bekkemlew boyınsha ámelge 
asırılıp atırǵan reformalardı qollap-quwatlawların bildirmekte. Bunday 
múnásibet mámleket tárepinen de qollap-quwatlanbaqta. Mitropolit 
Vladimirdiń «Doslıq» ordeni menen sıylıqlanǵanı bunıń ayqın dálili 
bolıp esaplanadı.
Respublikada diniy keńpeyillik hám jámiyetlik turaqlılıqtı támiyin-
lewde konfessiyalardıń da belgili ornı bar. Birinshiden, olar óz xızmetleri 
Tashkenttegi Rim-katolik shirkewi

---

69
Tashkenttegi Minar meshiti
dawamında ayrıqsha diniy keńpeyillik mádeniyatın jetilistiriw jolında 
ruwxıy-aǵartıwshılıq ilajlar shólkemlestirip keledi. Ekinshiden, elde 
dinleraralıq tatıwlıqtı qollap-quwatlaw hám de kelispewshilik hám 
quramalılıqlardı keltirip shıǵarıwshı missionerlik sıyaqlı háreketlerge 
qarsı ámelge asırılıp atırǵan ilajlarda belsendi qatnasadı.