Ozbek-Tariyx-1-70-(каракалпак). indd

Islam dini hám diniy tálimge itibar.
Búgin respublikada 16 diniy 
konfessiyaǵa tiyisli 2238 diniy shólkem — Imam Buxariy atındaǵı 
Tashkent islam institutı, 9 orta arnawlı islam bilim jurtı, pravoslav hám 
protestant seminariyaları xızmet kórsetpekte. Olarda studentler diniy 
ilimler menen bir qatarda, dúnyalıq ilimlerdi alıw imkaniyatına da iye.
Este saqlań!
Tashkentte 2013-jılı qurılısı baslanǵan Minar meshiti 2014-jıldıń 
1-oktyabrinde, Qurban hayıtı kúni ashıldı. Meshit imaratı zamana-
góy shıǵıs arxitekturası usılında qurılǵan. Onıń eki minarası 
hám aspan reń gúmbezi bar. Meshit 2400 den artıq namazxanǵa 
mólsherlengen.
1999-jılı Ózbekstan Respublikası Birinshi Prezidenti Islam Kari-
movtıń baslaması menen Oraylıq Aziyada birden-bir bolǵan Tashkent 
Islam universitetine tiykar salındı.
Prezident Shavkat Mirziyoevtiń 
BMSh Bas Assambleyasınıń 72-ses-
siyasındaǵı sózi tek ǵana elimizde
emes, al Oraylıq Aziya hám pútkil 
dúnyada 
birge 
islesiwge 
erisiw, 
dinleraralıq tatıwlıq, tınıshlıqtı saq-
law jolında áhmiyetli baǵdar bolıp 
atırǵanın, bul tárepler Ózbekstan 
Respublikasın rawajlandırıwdıń bes 
tiykarǵı baǵdarı boyınsha Háreketler 
strategiyasında da óz kórinisin tapqanın atap ótti.
Prezidenttiń 2017-jıl 27-marttaǵı «Ózbekstan Respublikası Ministrler 
Kabineti janında Imam Buxariy xalıqaralıq ilimiy-izertlew orayın 
shólkemlestiriw ilajları haqqında»ǵı qararına muwapıq Samarqandta 
ilimiy-izertlew orayı shólkemlestirildi. Onıń quramında hádistanıwshılıq

---

70
joqarı mektebi, hádis, quran (kalom), hám qiráát ilimin úyreniwge 
arnalǵan xanalar, qoljazbalar kitapxanası, muzey dúzildi. Ózbekstan 
Respublikası Prezidentiniń 2017-jıl 23-iyundegi «Ózbekstan Respublikası 
Ministrler Kabineti janında Ózbekstandaǵı Islam mádeniyatı orayın 
shólkemlestiriw ilajları haqqında»ǵı qararı tiykarında Tashkentte Islam 
mádeniyatı orayı hám de Prezidenttiń 2017-jılı 15-dekabrdegi pármanı 
tiykarında Ózbekstan Islam akademiyası dúzildi.