Yosh tengdoshlar

 
Axborotni uzatish va tahlil qilish 
 
Har bir treningning eng muhim vazifalaridan biri ma’lum mavzu bo‘yicha axborot berishdan 
boshlanadigan konkret vaziyat tahlilidir. Shubhasiz, biz axborotning ma’ruza yoki xabarlar 
ko‘rinishida taqdim etilishiga o‘rganib qolganmiz, vaholanki, bunday ma’ruza metodi 
“ma’ruzachining fikrlarini tinglovchilarning miyasini aylanib o‘tib, daftarlarida aks ettirishning 
eng yaxshi yo‘lidir”. Agar biz xabar berishga qaror qilgan bo‘lsak, avval o‘zimizga quyidagi 
savolni berishimiz ma’qul bo‘ladi: “Mening ma’ruzam tinglovchilarga qanday foyda keltiradi?” 
Bu savolga ijobiy javob berganimizdan so‘ng, ma’ruzamiz: 
•
e’tiborni tortadigan nomlanishga ega bo‘lishi; 
•
uchtadan ortiq bo‘lmagan asosiy g‘oyalardan iborat yaxlit xabar bo‘lishi; 
•
kirish (taxminan 15 %), asosiy qism (75 %) va xulosa (10 %)dan tarkib topishi lozimligini 
unutmasligimiz kerak. 
Bundan tashqari, ma’ruzaning varaqlardagi yoki kartochkalardagi tezislari (har bir tezis 
alohida kartochkada) bizga kuchliroq ishonch baxsh etadi. 
Endi axborotni uzatish va tahlil qilishda foydalanish mumkin bo‘lgan boshqa metodlarni 
ko‘rib chiqamiz.