Yosh tengdoshlar

Stressning oqibatlaridan qutulish usullari (5 daqiqa) 
Organizmni haddan tashqari zo‘riqib ishlashi natijasida charchash yuzaga keladi. 
Charchoqni bartaraf etish uchun dam olishga ham vaqt topish muhimdir. Ba’zi bir usullar bilan 
ham charchoqni bartaraf etish mumkin. 
Stress holatidan qutulishning yana bir usuli quyidagichadir: ko‘zingizni yumgan holda besh-o‘n 
daqiqa o‘tirishga harakat qiling. Yoqimsiz xabar, turli nizolarni o‘ylash o‘rniga ijobiy 
tassavvurlar hosil qilish foydali. 
Hayotning go‘zalligi haqida o‘ylashga, stress holati sizning ruhiyatingizga putur 
yetkazishini ko‘z oldingizga keltirishga harakat qiling. Shundagina bunday holatning oldini olish 
uchun ham siqilmaslikka intilasiz.
“Ertalabki badantarbiya, kechki sayr, to‘g‘ri ovqatlanish, sog‘lom turmush tarziga amal 
qilish stressdan chiqishga yordam beradi” – deyishadi. 
Doimo faol bo‘lish, yangiliklarga intilish, o‘qish va izlanish, insonni hech qachon salbiy fikrlarga 
botib qolishiga yo‘l bermaydi. Inson ichki g‘ayrati o‘sadi va har qanday holatga nisbatan 
bardoshliligi oshadi. 
Qilayotgan ishingdan zavqlanish insonga juda ko‘p kuch va g‘ayrat bag‘ishlaydi. Doimo 
harakatda bo‘lish, oqibat emas sabab bo‘lish pozitsiyasi insonni hamisha g‘olib bo‘lishiga olib 
keladi.