Microsoft Word vijdon azobi ziyouz com doc

TUG'ILISHIM BILAN YOLG'IZLIK 

 

Onam Marsinning bir tumanida, otam esa Marsinda yashagan. Ish sababli tumanga 

kelgan otam bilan onam orasida yaqinlik paydo bo'ladi. Otam shahar hayoti jozibalarini 

aytib bergach, onamni shaharda yashash istagi chulg'ab oladi. Otam va oanm turmush 

qurishga qaror qilishadi. Onam qishloqda otamga turmushga chiqadi. Lekin shaharga 

tushishgach, otam oldin uylanganligi va oilasi borligi ma'lum bo'ladi. Otamning 

honadonidagi ko'pchilik onamni hohlashmaydi. Bu orada onam menga homilador bo'lib 

qoladi. Lekinotam oilasining onamni yoqtirmasligi tufayli men tug'ilgach, ikki oydan 

keyin, onamni hech narsasiz ko'chaga haydaydi. Onam qarindoshinikidan boshpana 

topadi. Mening hayotimda islomni chetlab o'tish tug'ilmasimdan oldin boshlangan. Onam 

ko'p o'tmasdan boshqaga turmushga chiqdi. Men o'rtada qoldim. "Bolada ulg'aygach 

esidan chiqib ketadi", deyishadi, lekin bolalik qanday boshlangan bo'lsa, keyin ham 

shunga ko'ra davom etadi. Meni ona tarafidan buvim olib ketdi. Na onam bor, na otam. 

Otam shapaloq ursayu, onamning tizzasida yig'lasam deb qanchalar istardim. Mehr 

muhabbatsiz hayotim davom etardi. Men besh yoshga kirganimda otam:"Men boy 

bo'lsam, nega bolam qiynalishi kerak, olib kelaman", deydi. Ammo islomni bilmagan 

oilada o'gay ona borligi bu ishga mone'lik qiladi. Bu holga toqat qilolmagan otamning 

ammasi meni olib ketdi. Moddiy boylikka yetishib, ancha rohatli hayotim boshlandi. 

Ammamning uylari men almashtirayotgan 4- uy edi. Ammam mahallada dindor 

sanalsalar-da, mening dindan habarim yo'q edi. Ruhimda sevgi, qalbimda qo'rquv yo'q 

edi. Faqat Allohning ismini bilardim. Yomonliklardan qanday himoyalanaman, 

himoyalanish zarurmi? Hech narsadan ahbarsizpeshonamga yozilganidan norozi holda 

yashab kelardim. Va o'sib- ulg'ayib borardim.