So`z boshi

«Riyoz ud-davla». 

Ilm ahliga asarning ettita qo‘lyozmasi ma’lum bo‘lib, 

ulardan to‘rttasi Sankt-Peterburg SHarqshunoslik institutida saqlanadi. Bulardan 

avvalgi ikkitasi mukammal nusxalar bo‘lib, keyingi ikkitasi to‘liq, emas. «Riyoz 

ud-davla»ning uchta qo‘lyozmasi O‘zbekiston FA Sharqshunoslik instituti 

qo‘lyozma asarlar xazinasida saqlanmoqda. 

«Riyoz ud-davla»da Olloqulixon saltanati davri (1825-1843) voqealari 

bayon qilinadi. Asar (umuman, Ogahiyning barcha tarixiy asarlari ham) nasri 

musajja’ (ichki qofiyali nasr)da yozilgan. Ba’zi muhim fikrlar esa she’riy yo‘l 

bilan ham berib borilgan. 

Muarrix asarning muqaddimasida quyidagicha yozgan edi: «Erniyozbekning 

o‘g‘li Muhammad Rizo Mirob, laqabim Ogahiy, o‘z ahvolimni quyidagicha bayon 

etaman. Yoshlik chog‘imda boshimga turli-tuman tashvishlar tushdi. Har tarafdan 

boshimga balo toshi yog‘ildi. Hamisha ko‘nglimda notinchlik va ta’bimda xavf 

hukm surar edi.