Microsoft Word Tursunboyev S. O'zbek teatri tarixi. Majmua

 
 
«Padarkush»  dramasi  Samarqanddagina  emas,  balki  butun  O’rta  Osiyo,  Kavkaz  va 
Tataristonda  katta  voqea  bo’ldi.  Ana  shu  voqeaning  kuchli  ta’sirida  Toshkentda, 
Kattaqo’rg’onda, Qo’qon, Namangan, Andijon va Buxoroda teatr truppalari vujudga keldi... 
Shunisi quvonchliki, barcha shaharlarda namoyish etilgan spektakllarning daromadi xalqni 
ma’rifatlantirish  uchun  sarf  qilindi:  bunga  o’zbek  matbuotida  misollar  juda  ko’p.  Ushbu 
masalada ham Behbudiyning xizmati kattadir. 
 
Sirojiddin Ahmedov
, san’atshunoslik fanlari nomzodi 
«O’limdan qo’rqmagan mutafakkir».  
«Sovet O’zbekistoni san’ati» 
jurnali 1989-yil, 2-son. 
 
 
1914-yil  27-fevralda  Toshkent  Yangi  shaharidagi  «Kolizey»  teatrining  2000  kishilik 
tomoshaxonasida  kech  soat  yettida  «musulmon  jamiyati  imdodiyasi  foydasig’a»  Toshkent 
teatr havaskorlari rasman o’z spektakllari namoyishini boshlaydilar... 

---

Ilk  parda  ochilishidan  avval  sahnaga  Munavvar  qori  Abdurashidxonov  chiqib, 
teatrning  «ibratxona»  ekani,  unga  yengil-yelpi  qaramaslik,  aktyorlar  esa  «bir  tabibi  hoziq 
misoli»  ekanliklaridan  qisqacha  va’z  so’ylab,  butun  jamoani  buyuk  madaniy  hodisa  bilan 
tabrik etadi. 
«Padarkush»ning  Toshkent  truppasi  tomonidan  sahnalashtirilishi  kutilgandan  ko’ra 
a’loroq natijalar berdi. Bu voqea Turkistondagi shu davrda mavjud bo’lgan barcha matbuot 
nashrlarida  yoritilgan  edi.  Jumladan,  «Turkiston  viloyatining  gazeti»ning  axboroti  g’oyat 
xarakterli:  «Turkiston  viloyati  taraqqiylik  Rusiya  hukumatiga  tobe  bo’lganiga  yarim  asr 
bo’lib,  sartiyalarda  bu  o’yin  birinchi  marotaba  bo’lib  ham  shu  darajada  yaxshi 
o’xshatdilarki,  har  qayu  teatrni  ko’rib,  teatr  ishiga  omil  kishilar  bularning,  yangi 
o’rganganlariga  inonmay,  balki  bular  bir  necha  yil  Ovrupada  mashq  qilgan  odamlar,  deb 
xayol qiladi... Rusiya hukumatiga tobe bo’lganiga 300 yil bo’lgan tatarlardan necha daraja 
ortiq  deganda  mubolag’a  bo’lmas.  U  muqallid  o’yinida  sartiyalar,  tatarlar  shu  daraja  ko’p 
bo’ldilarki,  keyin  kelgan  odamlarga  bilet  yetmay  qolib,  teatr  ichida  va  tepalarida  odamlar 
mo’ru  malaxdek  qaynab  turdilar.  Rusiyalar  ham  bo’ldilar.  Sartiyalarning  bu  tariqa  ko’p 
bo’lganliklari teatrga ishqlari va taraqqiyga qadam qo’yishlarining alomati bo’lib, teatrdan 
tushgan aqcha Toshkent jamiyati imdodiyasi foydasig’a berilar ekan». 
 
Shuhrat Rizayev
 «Jadid dramasi», 
1997-yil, 63—64-betlar. 
 
«Padarkush»  pyesasida  o’qimishli  bo’lishdan  ko’ra  o’qimaslikni  afzal  ko’rgan  bir  boy  va 
o’qimay,  otasi  pullarini  ichkilikka  sarf  qilib,  oxiri  o’z  otasi  o’limiga  sababchi  bo’lgan  bebosh  o’g’il 
Toshmurodlarning fojiali qismati haqida hikoya qilingan. 
Asar ilk bor 1914-yilning yanvarida Samarqandda, so’ng o’sha yilning 27-fevralida Toshkentda 
«Turon» truppasida (rejissor Ali Asqar Asqarov) sahnalashtirilgan. «Turon» truppasida bosh rollarni 
Abdulla Avloniy (boy), Nizomiddin Xo’jayev (Ziyoli) kabi aktyorlar ijro etganlar. 
 
Quyida pyesaning birinchi pardasidan Boy va Ziyoli suhbati chop etildi.