Microsoft Word Tursunboyev S. O'zbek teatri tarixi. Majmua

 
Mahmudxo’ja Behbudiy.
 Tanlangan asarlar 
«Ma’naviyat» nashriyoti, T., 1999-yil. 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

---

 
 
 
 
 
 
 
 
 
 
ABDULLA AVLONIY 
(1978—1934)
 
 
Abdulla  Avloniy  Toshkentning  Mergancha  mahallasida  to’quvchi  oilasida  tug’ilgan. 
Avval  diniy  maktabda,  so’ng  madrasada  tahsil  ko’rgan,  XX  asrning  birinchi  o’n 
yilligidayoq  jurnalist,  shoir  sifatida  ko’rinadi,  gazetalar  chop  ettiradi,  «usuli  jadid» 
maktablari uchun darslik, o’quv qo’llanmalari yaratadi. 
A. Avloniy  Turkistonda  birinchi  (1913)  o’zbek  truppasining  asoschisi  hisoblanadi. 
Truppa  o’zining  birinchi  pardasini  1914-yilning  27-fevralida  M. Behbudiyning 
«Padarkush»  pyesasi  bilan  ochdi.  Truppaning  1917-yilgacha  davom  etgan  faoliyatida 
A. Avloniy  aktyor,  rejissor,  dramaturg  va  tarjimon  sifatida  ish  olib  borgan.  U  Boy 
(«Padarkush»),  Fayziboy  («Baxtsiz  kuyov»),  shayx  Nasrullo  («O’liklar»)  kabi  rollarni 
birinchi  bo’lib  ijro  etgan,  «Qotili  Karima»,  «Badbaxt  kelin»,  «Xo’r-xo’r»  kabi  qator 
pyesalarni  tatar  va  ozar  tilidan  o’zbekchaga  ag’dargan  va  o’zi  sahnalashtirgan.  Drama-
turgiya  sohasida  «Finak»  (1915),  «Advokatlik  osonmi?»  (1916),  «Ikki  muhabbat»  (1916) 
singari pyesalar yaratgan. 
Abdulla  Avloniy  o’zbek,  tatar,  ozarbayjon  teatr  aloqalarining  tashkilotchilaridan  biri 
sifatida ko’rindi. Unga mehnat qahramoni (1925), professor (1930) unvonlari berilgan. 
Abdulla  Avloniyning  e’tiborli  xizmatlaridan  yana  biri  «Turon»  truppasi  «Nizomi»ni 
tuzish va amalda ro’yobga chiqarishda namoyon bo’ldi. 
Abdulla  Avloniy  komediyalarida  bilimsizlik — kishilarni  jaholat  va  nodonlik 
botqog’iga  botiruvchi  og’ir  qismat  tarzida  talqin  etilgan.  «Advokatlik  osonmi?»  asarida 
shunday  voqea  tasvir  etilgan:  Rossiyada  tahsil  ko’rib  advokatlik  kasbi  bilan  Turkistonga 
qaytgan Davronbek yetti yil avvalgidek yana o’sha nodonlikka duch keladi. Uning qabuliga 
arz  bilan  kelgan  kishilar  o’z  muammolarini  hal  etish  yo’lini  bilish  u  yoqda  tursin, 
maqsadlarini  ham  aniq  tushuntirib  bera  olmaydilar.  Pyesada  olti  arzchi  bilan  bo’lgan 
mashmasha ifoda etilgan. Quyida ikki arzchining hol-ahvoli bilan tanishasiz.