Microsoft Word Tursunboyev S. O'zbek teatri tarixi. Majmua

 
Mamajon Rahmonov,
 «Hamza» nomidagi 
O’zbek Davlat akademik drama teatri. 
 
ABDULLA QODIRIY «OTABEKNI O’ZIM 
O’YNAYMAN» DEGANI HAQIDA N.KARIMOV SHARHI 
A. Qodiriyning  «Ravot  qashqirlari»  filmini  katta  maroq  bilan  tomosha  qilgani  va 
filmni chuqur tahlil etuvchi taqriz bilan matbuotda chiqqani bejiz emas. O’zbek kinosining 
qaldirg’ochlaridan  biri  uning  yaqin  birodari  va  ko’pgina  masalalar  bo’yicha  maslakdoshi 
Sulaymon  Xo’jayev  tavallud  topgan  Kamolon  mahallasidan  bir-ikki  chaqirim  narida 
Eshonguzar mahallasi joylashgan bo’lib, unda buyuk adib Abdulla Qodiriy istiqomat qilar 
edi. Bu ikki siymo o’rtasidagi do’stlik ularning bolalik chog’ida boshlangan... 
«Ravot  qashqirlari»ning Toshkent ekranlariga chiqqaniga  yarim  yil bo’lgan, adibning 
bolalik o’rtog’i o’zbek madaniyati uchun yangi bir sohaga chaqmoq singari yonib kirmoqda 
edi.  Abdulla  Qodiriy  bu  filmni  tomosha  qilib,  undagi  o’zbek  artistlari,  birinchi  navbatda, 

---

Sulaymon  Xo’jayevning  ijrosidan  mamnun  bo’lgan  va  o’z  taqrizida  bunday  so’zlarni 
aytgan  edi:  «Bundagi  mas’ul  rollarni  havaskor  bo’laturib  ham  ado  qilgan  o’zbek 
artistlarimiz o’zlariga yaxshi umid bog’latdilar...» 
Abdulla  Qodiriy  yaqin  orada  o’zbek  kinosining  malakali  kadrlar  hisobiga  o’sishiga 
ishonch  hosil  qilib,  «O’tkan  kunlar»ning  ekranlashtirilishini  orzu  qiladi.  Bu  asarni  g’oyat 
sevgan  Sulaymon  Xo’jayev  hiyla  keyin  rejissorlik  san’atini  egallay  boshlaganida,  —  o’zi 
uni  ekran  tiliga  ko’chirmoqchi  bo’ldi.  Har  ikki  do’stning  niyatiga  ko’ra  bu  yaratilajak 
filmda  Otabek  rolini  adibning  o’zi  ijro  etishi  lozim  edi.  Afsuski,  bu  xayrli  niyat  zamona 
zayli bilan amalga oshmay qoldi. 
 
Naim Karimov
. «O’zbek kinosining qaldirg’ochi», 
«Nafosat» jurnali, 1992-yil, 2-son. 
 
Quyida pyesaning ikkinchi pardasi chop etildi.