Microsoft Word Tursunboyev S. O'zbek teatri tarixi. Majmua

«OLMA GULLAGANDA» 
SPEKTAKLI HAQIDA MATBUOT SHARHI 
 
Dramaturg  Odil  Yoqubov  yaqinda  poytaxtimizning  mehnatkashlarini  o’zining  yangi 
dramasi — «Olma gullaganda» bilan quvontirdi. 
Shunisi  muhimki,  zamonaviylik,  hozirgi  kun  uchun  xizmat  qilish  Odil  Yoqubov 
dramatik ijodining asl mohiyatini tashkil etadi. 
Pyesaning  bosh  ijobiy  qahramoni  —  Mashrabjon  jamiyatimizning  ilg’or  kishisi,  guli 
ekan,  Aziz  —  shaxsiyatparast,  o’zi  uchun  yashaydigan,  quruq  shuhrat,  shon-u  shavkat 
ketidan  quvuvchi  shaxs.  Uning  uchun  olimlik  darajasi,  o’z  bilimi  jamiyatga,  xalqqa, 
Vatanga xizmat qilish uchun emas, mansab-martaba uchun kerak. 
Mashrabjon  —  artist  Po’lat  Saidqosimov,  Aziz  —  artist  To’ychi  Oripov  ham  obraz 
sifatida to’g’ri tanlangan. Spektakl sahnalari ko’z oldimizdan o’tib borar ekan, biz bir-biriga 
tamoman  zid,  qarama-qarshi  xarakterni  ko’ramiz.  Shijoatli,  yuragida  o’ti  bor 
Mashrabjonning dili zamon nafasi bilan uradi. U o’z maqsadiga erishish yo’lida har qanday 
g’ovlarga, to’siqlarga qarshi boradi; shaxsiy rohati va manfaatlarini qurbon qilishga tayyor 
turadi.  Qaqramonning  xarakteriga  oid  bo’lgan  mana  shu  tomonlar  uning  obrazini 
to’ldirishga, yaqqolroq qilib ko’rsatishga yordam beradi. 
Professor  Vohidov  obrazi  —  talantli  artist  Sharif  Qayumovning  keyingi  yillardagi 
ijodida  erishgan  katta  muvaffaqiyati  desa  arziydi.  Vohidov  sahnada  paydo  bo’lar  ekan, 
bizning  ko’z  oldimizda  artist  emas,  haqiqiy  professor  gavdalanadi.  Olimlarga  xos  bo’lgan 
fazilatlar:  parishonlik,  suhbat  paytida  ham  asosiy  ishni  o’ylab  o’tirish,  soddalik,  halollik, 
beg’arazlik  Sh. Qayumov  ijrosida  to’la  ifodalangan.  Artist  o’z  qahramonining  xarakterini, 
ruhiy  holatini  ochishga  zarur  bo’lgan  harakat  va  qiliqlarni  topgan  va  o’z  o’rnida  ishlata 
olgan. 
Ashur  mo’ylov  —  G’ani  A’zamov  obrazi  o’zining  haqiqatchiligi,  ilg’or, 
tushunchaliligi, yoqimli komikligi bilan tomoshabinlar xotirasida uzoq saqlanadi. 
Yosh  rejissor  A. Qobulov  «Imon»  spektalidagi  muvaffaqiyati  bilan  hammamizni 
quvontirgan edi. «Olma gullaganda»da ham uning rejissor sifatida o’ziga xos uslubi ko’zga 
aniq tashlanadi.