Microsoft Word Tursunboyev S. O'zbek teatri tarixi. Majmua

 
 
«MUQIMIY» TEATRINING «MUHABBAT NAVOSI» 
SPEKTAKLI HAQIDA 
Bu yerda asosiy qahramonlarning aql-idroki, ma’naviy dunyosi bilan birgalikda g’oyat 
boy  va  kuchli  his-tuyg’ular  olami  ham  katta  o’rin  olgan.  Bundan  tashqari,  asarning  o’zi 
chuqur dramatizm bilan sug’orilgan, unda lirik sahnalar ham ko’p. Bularning bari bastakor 
Shohida  Shohimardonovaga  uyg’ur  xalq  kuylari,  maqomlari  asosida  musiqa  bastalashga 
qulaylik yaratgan. Shuning uchun pyesa bilan musiqa, so’z bilan kuy bir tanu bir jon bo’lib 
bir-biriga  kirishib  ketgan.  Marhum  rejissor  Rustam  Boboxonov  «Muhabbat  navosi» 
musikali  dramasini  sahnalashtirishga  alohida  e’tibor  bergan.  Rassom  Anatoliy  Slugin 
yuksak did va bilimdonlik bilan badiiy bezak va kiyimlar ishlagan. 
Omonnisaxon  Bekjonova  ijrosida  tashqi  ko’rinishi,  ya’ni  barnoligi,  iffati,  nazokati, 
zakovati,  odobi,  xullas,  butun  jozibasi  bilan  tomoshabinni  o’ziga  tortadi.  Voqealar 
jarayonida esa uning qalbi ochiladi. U shoh bilan fuqaroga bir xilda inson sifatida qaraydi. 
Omonnisaxondagi bu oliyjanob xislat butun spektakl davomida ko’zga tashlanib turadi. 
...Abdurashidxon dramaturgiyamiz va sahnamiz uchun yangi obraz. Garchi u aktyor R. 
Ma’diyev  ijrosida  shoirtabiat,  ezgulik  va  go’zallikni  ardoqlovchi,  uni  tarannum  etuvchi 
inson sifatida hal etilsa ham, ko’proq xalqparvar hukmdor tarzida gavdalanadi.  
Yaqin  vaqtgacha  shayx,  domla,  qozi,  xullas  din  va  shariat  peshvolarining  obrazi 
sahnada ko’pincha hajviy yo’sinda talqin qilinardi... F. Ahmedov talqinida Eshon o’z obro’ 
mavqei bilan hammaning, jumladan, hukmdorning ham izzat-ikromiga, ishonchiga erishgan 
shaxs tarzida ifodalangan. Eshonga hamma — ahli mo’min najotkor sifatida qaraydi, u ham 
jamoat oldida o’zini shu asnoda tutadi...  
 
Frunze Jo’rayev
, O’zbekistonda xizmat ko’rsatgan san’at arbobi. 
«Muhabbat navosi», «O’zbekiston adabiyoti va san’ati» gazetasi, 
1990-yil, 14-sentabr. 

---