Microsoft Word Tursunboyev S. O'zbek teatri tarixi. Majmua

BAHROM RAHMONOV 
(1915—1961) 
 
«Yurak  sirlari»  komediyasi  bilan  teatr  tarixida  ma’lum  iz  qoldirgan  Bahrom 
Rahmonov  asli  huquqshunos;  Toshkentda  tug’ilib  o’rta  maktabni  bitirgach,  Toshkent 
yuridik  institutida  tahsil  ko’rgan,  so’ng  Turkiston  harbiy  okrugida  prokuror  muovini, 
Respublika  tashqi  ishlar  vazirligida  bo’lim  mudiri  lavozimlarida  ishlagan.  B.  Rahmonov 
qalami  o’tkir  jurnalist  ham  edi.  Qator  yillar  «Qizil  O’zbekiston»  gazetasi  va  ba’zi 
jurnallarda  mas’ul  lavozimlarda,  qator  yillar  O’zbekiston  Yozuvchilar  uyushmasida  rais, 
san’atshunoslik ilmiy-tadqiqot institutida rahbar lavozimlarida xizmat qilgan.  
B.  Rahmonov  «Yurak  sirlari»  komediyasidan  tashqari  «Surmaxon»,  «Bir  to’y 
mojarosi»  (I. O’ktamov  bilan  hamkorlikda),  «So’nggi  nusxalar»,  «Qilmish-qidirmish», 
«Bahor arafasi», «Mardlar qissasi» pyesalarini yozgan. 
«Yurak  sirlari»  asari  rejissor  T.  Xo’jayev  tomonidan  sahnalashtirilgan  bo’lib,  asarda 
idrok  etilgan  oilaviy  mashmashalar  hozirgi  kunda  kishida  uncha  munozarali  fikr 
uyg’otolmasligi  mumkin.  Lekin  dramaturgiya  va  teatrda  oila  masalasi  keskin 
qo’yilmaydigan  1950-yillarda  qo’ydi-chiqdi,  oila  buzilishining  o’zi  sho’ro  voqeligini 
soxtalashtirish  ma’nosida  qabul  etilardi.  «Figuram  buzilmasin»  deb  tug’ishni  istamovchi, 
kiyinish, o’yin-kulgi gadosi Surmaxonning eri Ilhom tomonidan tashlab ketilishi, yozuvchi 
Sattor Ilhomga rashk qilib vrach xotini Sanobardan ajrashuvi pyesa asosini belgilovchi bosh 
voqealardan edi.  
Akademik teatr aktyorlari — Shohida Ma’zumova (Surmaxon) Olim Xo’jayev (Sattor) 
Xolida  Xo’jayeva  (Sanobar)  shu  qadar  yorqin  obrazlar  yaratdilarki,  shu  hol  spektaklning 
butun  1950-yillar  davomida  anshlag  bilan  ko’rsatilishiga  sabab  bo’ldi.  Pyesa  viloyat  va 
boshqa xorij teatrlarida sahnaga qo’yildi.