Istiqbollarini belgilash ilmiy-tadqiqot institutining

33
XALQ TA’LIMI:
MUAMMOLAR, IZLANISHLAR, YECHIMLAR
Respondent mamlakatlarning 34%i 2019-2020-o‘quv yili uchun boshlang‘ich 
maktabni  bitirishdagi  attestatsiya  mezonlarini  o‘zgartirishni  o‘z  rejalariga 
kiritganligini  ma’lum  qilgan.  Bu  ko‘rsatkich  ta’limning  yuqori  bosqichlarida 
oshib  boradi  va  yuqori  sinflarda  47%  tashkil  qiladi.  Kam  va  o‘rta  daromadli 
mamlakatlarda ta’limning barcha darajalarida bu yondashuv keng tarqalgan.
Maktablarning yopilishi o‘quvchilarni o‘ziga xos vaziyatga solib qo‘ydi, chunki 
xonadonlar  sinf  xonalariga  aylantirildi  va  o‘quvchilar  masofaviy  ta’limning  turli 
shakllaridan  foydalanib  ta’lim  olishni  davom  ettirdilar.  Xuddi  shunday,  kurs 
mazmuni va o‘qitish usullari masofadan o‘qitish usullariga xos tarzda moslashishi 
kerak bo‘ldi.
Ba’zi o‘quvchilar o‘qishni davom ettirib, o‘quv dasturlarini o‘zlashtirgan bo‘lsa, 
boshqalari  buni  uddalay  olmadilar.  COVID-19  pandemiyasi  oqibatlari  natijasida 
kelib chiqqan ushbu o‘zgarishlar o‘quvchilarni baholash va davlat imtihonlaridan 
o‘tkazish, shuningdek, o‘quvchi ta’limini davom ettirish bo‘yicha asosiy qarorlarni 
qabul qilish imkonini beruvchi mexanizmlarga ham ta’sir ko‘rsatadi.
O‘quvchilarga  kerakli  bilimlarni  yetkazishda  maktab  yopilgan  davrda 
yo‘qotilgan bilimlarni o‘rganish va eng asosiysi, bunday sharoitda o‘quvchilarning 
bilimlarini  baholash  muhim  omil  hisoblanadi.  Ta’limdagi  yo‘qotishlarni 
kamaytirish  uchun  ta’lim  tizimi  o‘quvchilar  bilimini  baholash  va  davlat 
imtihonidan o‘tkazishning eng maqbul usullarini ta’minlashlari lozim.
O‘zbekiston:
Pandemiya davrida bilimlarni baholash mexanizmlari mavjud bo‘lmaganligi
 
sababli  O‘zbekiston  Prezidenti  karantin  vaqtida  imtihonlarni  soddaroq  shaklda 
o‘tkazish bo‘yicha topshiriqlar bergan. Pandemiya tufayli 5-sinfdan 10-sinfgacha 

---

34
A.AVLONIY NOMIDAGI XALQ TAʼLIMI 
 
MUAMMOLARINI O‘RGANISH VA ISTIQBOLLARINI 
BELGILASH ILMIY-TADQIQOT INSTITUTI
sinfdan-sinfga  o‘tish  imtihonlari  va  9-  va  11-sinflar  uchun  Davlat  imtihonlari 
Maxsus komissiyaning qaroriga asosan bekor qilindi.
Bitiruv  imtihonlari  karantin  qoidalariga  qat’iy  rioya  qilgan  holda  og‘zaki, 
yozma  hamda  test  sinovlari  shaklida  o‘tkazilgan.  Jumladan,  imtihonlar 
o‘tkazilishidan  oldin  ta’lim  muassasalarida  dezinfeksiya  ishlari  olib  borilgan, 
o‘quvchilar  imtihonlarga  sanitar-gigiyena  qoidalariga  rioya  etgan  holda 
himoya  vositasi(tibbiy  niqob)da  kiritilib,  binoga  kirishdan  avval  tibbiy  xodimlar 
tomonidan  ularning  tana  harorati  o‘lchangan  va  oraliq  masofani  saqlashlari 
ta’minlangan.  Imtihon  savollari  va  materiallari  Xalq  ta’limi  vazirligining  rasmiy 
telegram kanaliga joylashtirilgan.
Ta’lim  sifatini  nazorat  qilish,  jarayonda  keng  jamoatchilik  nazoratini 
kuchaytirish  va  ota-onalarga  qulaylik  yaratish  maqsadida  inspeksiyaning  @
edumonitoring_bot telegram boti ishga tushirilgan.