Мевачилик асослари doc

Қулупнай (Frugaria L.) Ўзбекистонда экиладиган резавор мевалар 
ичида биринчи ўринда туради. Меваси таркибида 4,5-11 % гача шакар, 
0,28-1,5 % гача турли кислоталар, 0,12 – 0,41 % ошловчи ва бўёқ моддалар 
мавжуд. Булардан ташқари темир, фосфор, калий, кальций тузлари, 50-75 
мг % А, В, С витаминлари бўлади. Қулупнай меваси ташишга ва сақлашга 
ярамайди. 
Бизнинг шароитимизда қулупнайнинг 4 та тури мавжуд : Йирик 
мевали боғ қулупнайи, Ананас, Мускат қулупнай ва Кўкиш қулупнай 
(ўтлоқларда, турли хил ўтлар ўсадиган ён бағирларда, ўрмон чеккаларида 
ёввойи ҳолда ўсади). 
Йирик мевали боғ қулупнайи энг кенг тарқалган бўлиб, унинг 1500 
дан ортиқ нави бор. Пояси қисқа, ўтчил, 4-5 йил ва ундан кўпроқ яшайди, 
илдизлари попук илдиз бўлиб, 60-70 см чуқурликкача ўсади, экилгандан 
сўнг 2-3 йили илдиз поясининг пастки қисми қурий бошлайди.Шунинг 
учун, қулупнай бир ерда 2-3 йилгача ўстирилади. 
Қулупнай асосан гажакларидан кўпайтирилади, лекин уни поясидан, 
янги навлар чиқаришда эса уруғидан кўпайтириш мумкин. 
Қулупнай эрта, мартнинг охири апрелнинг бошларида гуллайди. У 
гуллаш муддатига қараб, эрта гуллайдиган ва кеч гуллайдиган навларга 
бўлинади. Гуллаш даври 20-45 кунга чўзилади. Гуллаш бошлангандан 
меваси пишиб етилгунча 20-35 кун ўтади. 
Ўзбекистонда куз илиқ келиб, узоққа чўзилганда қулупнайнинг 
баъзи навлари иккинчи марта ҳосил беради. Гектаридан 8-10 тоннагача ва 
ундан ортиқ қулупнай ҳосили олиш мумкин. 
Муҳокама учун саволлар: 
 
1. Ботаник белгиларига кўра мева экинлари қайси оилаларга мансуб ? 
2. Хўжалик белгиларига кўра мева экинлари қандай гуруҳларга бўлинади ? 
3. Яшаш шаклига кўра мева экинлари қандай бўлади ? 
4. Субтропик меваларга қайси мева экинлари киради ? 
5. Цитрус меваларга қайси мева экинлари киради ? 

---

25