Urganch davlat universiteti X. R. Matyoqubov, J. K. Tojiyev texnologiya va dizayn

Yog`ochni  petrolatumda  quritish. 
Petrolatum  jigar  rangdagi  moysimon 
suyuqlik  bo`lib,  neftni  qayta  ishlashda  ikkinchi  darajali  mahsulot  sifatida  hosil 
bo`ladi. U suvda erimaydi.  
Quritiladigan  yog`och  materiallar  130°S  gacha  isitilgan  petrolatumga  botiriladi 
(petrolatum 260°S da yonib ketadi).  
Bu  suyuqlikka  solingan  yog`och  tez  qizib,  undagi  havo  kengayadi  va  nami 
bug`lanadi.  Ana  shu  havo-bug`  aralashmasi  yog`och  botirilgan  petrolatumga  chiqib, 
uni ko`piklantiradi (pufaklar hosil qiladi). Quritilayotgan taxta yoki zagotovkalarning 
belgilangan  namlik  darajasiga  muvofiq,  qurish  jarayoni  tugaganligini  ko`piklanish 
qancha davom etganligiga va ko`pik miqdoriga qarab bilsa bo`ladi.  
Yog`ochlar  gaz  va  bug`  kameralaridagiga  qaraganda  petrolatumda  tezroq  va 
sifatliroq quriydi. Odatda quritish vaqtida yuz beradigan yorilish va tob tashlash kabi 
nuqsonlar  petrolatumda  quritilgan  yog`ochlarda  bo`lmaydi.  Petrolatum  yog`ochga  2 
mm  chuqurlikda  singiydi.  1  m[kub]  yog`ochni  quritishga  8  –  20  kg  petrolatum 
sarflanadi, xolos.  
Quritish vaqtida yog`ochga singgan petrolatum antiseptik vazifasini ham o`taydi 
va  yogoch  bo`kishining  oldini  oladi.  Petrolatumda  quritilgan  yog`ochning  sirtqi, 
petrolatum  shimilgan  qatlami  butunlay  randalab  tashlanmasa,  yelimni  yaxshi 
ushlamaydi,  pardozlaganda  esa  lok  va  bo`yoqlar  yaxshi  yuqmaydi.  SHu  sababli  bu 
usulda  quritilgan  yog`ochlar  faqat  qurilishda,  ayniqsa  binolarni  remont  qilishda 
ishlatiladi.