Urganch davlat universiteti X. R. Matyoqubov, J. K. Tojiyev texnologiya va dizayn

25-rasm. Yog`ochning yillik qavatlarida naylarning joylanish: 
a-halqa nayli yog`och; b-tarqoq nayli yog`och (ko`ndalang qirqilgan 
yuzadagi ko`rinishi) 
Yaproqli  daraxtlarning  yogochligida  o`zak  nurlari  turlicha  rivojlangan  bo`ladi, 
ular  eman,  qoraqayin,  zarang,  chinor  daraxtlarida  yog`ochlikning  istalgan 
yo`nalishdagi  kesimida  yaqqol  ko`rinib  turadi  va  ninabargli  daraxtlardagi  singari 
mayda bo`ladi.  
Ko`karib  turgan  daraxtning  turini  uning  po`stlog`i,  barglari  yoki  ninalariga 
qarab,  uzoqdagi  daraxtning  turini  esa  shox  shabbalari  shakliga  qarab  osongina  bilib 
bo`ladi.  Ancha  narida  yotgan  yog`ochning  turini  aniqlashda  uning  shakliga, 
yog`ochligi va po`stlog`ining rangiga e‘tibor berilsa, yaqin joyda yotgan yog`ochning 
turini  aniqlashda  rangi  va  shaklidan  tashqari,  shox,  butoqlarining  joylanishiga, 
yadrosining bor-yo`qligiga ham e‘tibor beriladi.  
                                                 
1
 Skipidar-(xushbo`y o`simlik boshog`i), igna bargli daraxtlarning smolasini suv bug`i ishtirokida haydash shuningdek, 
yog`ochni quruq haydash yo`li bilan olinadigan o`tkir hidli rangsiz, tiniq, uchuvchan suyuqlik (lok bo`yoq ishlab 
chiqarishda, tibbiyotda va boshqa sohalarda ishlatiladi) 

---

- 73 - 
 
Daxtalarga tilingan va to`sinlarga qirqilgan yog`ochning turini bilishda ularning 
rangi, yaltiroqligi, hidi, teksturasi(tabiiy naqshi), mikrostrukturasining xossalari katta 
ahamiyatga ega.  
Mazkur  yog`och-taxta  namunasining  qanday  daraxtlarga  mansubligini  bilish 
uchun,  dastlab,  uning  yillik  qavatlariga  e‘tibor  berish  kerak.  Yillik  qavatlarning 
yaqqol  ko`rinib  turishi  yog`och  –  taxtaning  ninabargli  daraxtlarga  yoki  yaproqli 
daraxtlarning  halqasimon  nayli  turiga  mansub  ekanligini  bildiradi.  Ninabargli 
daraxtning  yog`ochini  rangiga,  yillik  qavatlarining  tuzilishiga,  ko`pincha  ko`rinib 
turadigan o`zak nurlariga qarab halqasimon nayli yaproqli daraxtlar yog`ochidan farq 
qilish qiyin emas.  
Tarqoq  nayli  daraxtlarning  yog`ochligida  yillik  qavatlar,  odatda,  yaxshi 
ko`rinmaydi.  
Daraxtlarning belgilangan gruppaga taalluqli har bir turini uning o`zigagina xos 
bo`lgan belgilariga qarab biladilar. Yog`och qayishqoqligi tufayli, qoqilgan mixlarni, 
yog`och qoziq» burama mix va hokazolarai ushlab tura oladi. Qoqilgan mix yog`och 
tolalarini  keradi,  tolalar  esa  mixni  qisadi,  shunday  qilib,  uning  sug`urilib  chiqishiga 
qarshilik ko`rsatadi.  
Burama  mixlarni  sug`urish  uchun  ko`p  kuch  sarflash  kerak,  chunki  bunda 
tolalarning mixni qisish kuchinignia emas, balki burama mix rezbalarini o`rab turgan 
tolalarning yemirilishga ko`rsatadigan qarshiligini ham yengishga to`g`ri keladi.  
Yog`ochning  mix  va  shu  kabilarni  ushlab  turish  xususiyati  bu  buyumlarni 
sug`urish uchun zarur kuch bilan (kilogrammlar hisobida) ifodalanadi.  
Mixlarning  yog`ochda  ushlanib  turish  kuchi  yog`ochning  ularga  tegib  turish 
maydoniga  bog`liq.  Ko`ndalang  kesimi  kvadrat  yoki  ko`p  qirrali  shakldagi 
mixlarning  yuzasi  dumaloq  kesimli  mixlarnikidan  kattaroqdir,  shu  sababli,  ular 
dumaloq mixlarga qaraganda mahkamroq ushlanib turadi.  
Har  qanday  shakldagi  mixni  faqat  bo`sh  yog`ochga  qoqsa  bo`ladi.  Qattiq 
yogochni,  dastlab,  parmalab  teshib,  mix  shu  teshikka  qoqiladi  (teshikning  diametri 
mixning  0.  7  –  0,8  yo`gonligiga,  chuqurligi  esa  mixning  kamida  yarim  uzunligiga 
teng bo`lishi kerak). Shunday qilinmasa, mix yog`ochni yorib yuborishi mumkin.  
Bundan tashqari, mix, ko`pincha, qattiq yog`ochga kirmay egiladi.  
Yog`ochning mixni qoqish va sug`urishga qarshilik ko`rsatishi uning zichligiga 
(hajmiy  og`nrligiga),  namlik  darajasiga, qoqiladigan  mixning tuzilishiga va  yog`och 
tolalariga nisbatan qanday yo`nalishda kirishiga bog`liqdir.  
Qattiq yog`och mixni bo`sh yog`ochga qaraganda mahkamroq ushlab turadi.  
Quruq  yog`ochga  qaraganda  ho`l  yog`ochga  mix  qoqish  osonroq,  chunki  ho`l 
yog`ochning  qayishqoqligi  kam.  Ho`l  yog`ochga  mix  qoqqanda  yog`och  tolalari 
egiladi, yog`och qurigandan keyin ham tolalar shu holicha qoladi, shu sababli, tolalar 
mixni qattiq qisib turmaganligidan mix oson sug`urilib chiqaveradi.  

---

- 74 - 
 
Tolalari  to`g`ri  yotgan  yog`och  qayishqoqroq  bo`ladi.  Bunday  yog`och  mixni 
yaxshi ushlab turadi, lekin tolalari to`g`ri yotgan yog`och oson yoriladi.  
Yog`ochning qirqilgan uchiga (toresiga) qoqilgan mixning ushlanib turish kuchi 
yog`ochning  yon  tomoniga  qoqilgan  mixning  ushlanib  turish  kuchidan  25  –  30  foiz 
kamroq  bo`ladi.  Bunga  sabab,  yog`ochning  qirqilgan  uchida  tolalar  kamroq 
qayishqoq  bo`lishidir.  Yog`ochning  yon  tomoniga  radial  va  tangensial  yo`nalishda 
qoqilgan mixlar deyarli bir xilda mahkam ushlanib turadi.