Buxoro davlat tibbiyot instituti kurbanova gulnoz negmatovna kasbiy pedagogika

8. IChT ishlab chiqarish sharoitida amalga oshirish. 
O'quvchilar ishlab 
chiqarish  sharoitida  ta’lim  olayotganlarida  o'quv  jarayonlarini  tashkil  etishning 
shakllari quyidagilardan iborat bo'ladi:  
• o'quvchilarning brigadalar tarkibida ta’lim olishi; 
• malakali ishchilar brigadalari tarkibida ta’lim olishi; 
• o'quvchilarning malakali ishchilarga yakka tartibda biriktirib qo'yilishi. 
Ishlab chiqarish jarayonining barcha asosiy tarkibiy qismlari, ya’ni maqsadi, 
mazmuni, o'quvchilarning o'quv faoliyati hamda ustozning o'qitish faoliyati (ta’lim 
berish shakllari va metodlari), ta’lim vositalari o'zaro chambarchas bog'langandir. 
O'quv  jarayonining  turli  bosqichlarida  ta’limning  maqsadlari  uning  mazmunini 
belgilaydi; ta’lim  metodlari  va  vositalari ko'p  jihatdan ta’lim  mazmuniga  bog'liq. 
O'quvchilarning  o'quv  faoliyati  hamda  ustozning  o'qitish  faoliyati  o'zaro 
chambarchas  bog'langan  bo'lib,  birgalikda  kechadi  va  bir-biriga  tuzatishlar  kiritib 
turadi.