O‗zbekiston respublikasi oliy va o‗rta maxsus ta‘lim vazirligi toshkent to‗qimachilik va engil sanoat instituti

Qo‗lingizda  «tarbiyasi  og‗ir»  xodim  ishlayli.  Ishga  doim  kech  keladi, 
hamkasblari  bilan  qovoq-tumshuq  qilib  yuradi.  Ammo  o‗z  sohasining 
topilmas mutaxassisi. Nagmalariga chidash kerakmi yoki bo‗shatishmi?
 
Janjalkashlar  bilan  iqtisodiy  usulda  kurashish  kerak,  ya‘ni  bir  marta 
janjallashsa  -  xayfsan  bering,  ikkinchi  martasida  mukofot  yo  maoshining  bir 
qismidan  mahrum  qiling,  uchinchisida  umuman  oylik  bermang  va  h.q 
«To‗polonchiligi" qimmatga tushganini ko‗rgan xodim endi janjallashishdan oldin 
bir bor emas, ikki marta chuqur o‗ylab oladi. 
Kechikuvchilarga kelsak  ularni uchga bo‗lish  mumkin: 
1.
 
Ishlab chiqarish tamoyillarini buzuvchilarning 40 foizi qoidaga bo‗ysunishni 
istamaydigan  «isyonkor»lardir.  Ular  ko‗nglidagi  kasbni  topolmay,  «arzimagan» 
oylikka  ishlab  yurishganidan  aziyat  chekishadi.  Ammo  aynan  shular  ishga  doir 
qiziq  va  foydali  takliflar  berishadi.  Mustaqil  mehnatga  va  mas‘uliyatli  vazifalarni 
bajarishga  qobil  bo‗lishadi.  Bunday  xodimga  barcha  ichki  imkoniyatlarini 
namoyon etadigan jiddiy vazifani topshiring. SHunda u vaqtni  qadrlay boshlaydi. 
2.
 
Qolgan  30  foizi  kechikuvchilar,uyquchilardir.  Ammo  ularni  o‗zgartirish 
mumkin.  Unga  qulay  sharoit  yaratib  bering.  Masalan,  ishxonasiga  uyida  va 
ayniqsa, boshqa hamkasblarida bo‗lmagan  qulay kreslo qo‗yib bering. SHunda bu 
«uyquchi»,  «mas‘uliyatsiz»  xodim  ishxonasi  bilan  faxrlanadi  hamda  uning 
shartlarini bajara boshlaydi. 
3.
 
Hamisha  kechikib  yuruvchilarning  oxirgi  30  foizi  ish  vaqtini  yaxshi 
rejalashtira  oladigan,  ammo  boshqa  joyda  ham  pul  topish  imkonini  qo‗ldan 
chiqarmaydiganlardir.  Agar  shu  xodim  iste‘dodi  va  bilimi  sizga  kerak  bo‗lsa 
maxsus ish jadvali tuzing. Bu uni ham qoniqtiradi, siz ham qimmatli xodimingizni 
yo‗qotmaysiz.