Yetim bolalar va ota-onasining yoki boshqa qonuniy vakillarining

2-bob. Mehribonlik uyini tashkil etish tartibi

5. Mehribonlik uyi muassisning qarori asosida tashkil etiladi.

Mehribonlik uyi O‘zbekiston Respublikasi Xalq ta’limi vazirligi bilan kelishgan holda Qoraqalpog‘iston

Respublikasi Vazirlar Kengashi, viloyatlar va Toshkent shahar hokimliklari tomonidan tashkil etiladi.

O‘zbekiston Respublikasi Xalq ta’limi vazirligining muassisligida ham Mehribonlik uyi tashkil etilishi

mumkin.

6. Mehribonlik uyi belgilangan tartibda davlat ro‘yxatidan o‘tkaziladi.

7.  Mehribonlik  uyining  namunaviy  ustavi  O‘zbekiston  Respublikasi  Xalq  ta’limi  vazirligi  tomonidan

tasdiqlanadi.

Mehribonlik uyining ustavi uning muassisi tomonidan tasdiqlanadi.

8. Mehribonlik uylari quyidagi tiplarga bo‘linadi:

maktabgacha yoshdagi bolalar uchun Mehribonlik uyi (3 yoshdan 7 yoshgacha bo‘lgan bolalar uchun);

Mehribonlik uyi (maktabgacha va maktab yoshidagi yoki faqat maktab yoshidagi bolalar uchun);

ixtisoslashtirilgan  korreksion  Mehribonlik  uyi  (jismoniy  yoki  psixik  rivojlanishida  nuqsonlari  bo‘lgan

bolalar uchun).

Mehribonlik  uyi  tipi  Qoraqalpog‘iston  Respublikasi  Vazirlar  Kengashi,  viloyatlar  va  Toshkent  shahar

hokimliklari tomonidan belgilanadi.

9. Mehribonlik uylari faoliyatini muvofiqlashtirish Qoraqalpog‘iston Respublikasi Xalq ta’limi vazirligi,

viloyatlar  xalq  ta’limi  boshqarmalari,  Toshkent  shahar  xalq  ta’limi  bosh  boshqarmasi  tomonidan  amalga

oshiriladi.

10. Mehribonlik uyi yuridik shaxs hisoblanadi, O‘zbekiston Respublikasi davlat gerbi tasviri tushirilgan

va  o‘z  nomi  davlat  tilida  yozilgan  muhrga  va  blankalarga,  mustaqil  balansga  hamda  O‘zbekiston  Respublikasi

Moliya vazirligining G‘aznachiligida shaxsiy g‘azna hisobvarag‘iga ega bo‘ladi.