B abdullayeva, M. Usmonbayeva, O’. Asqarova, F. Ehsonova, S. Hakimov

 
O’yin
  – 
1)
  kishilik  faoliyatining  muhim  turi; 
2)
  ijtimoiy  munosabatlar 
mazmunining  bolalar  tomonidan  imitatsiyalash  (ko’chirish,  taqlid  qilish)  asosida 
o’zlashtirish  shakli.  Faoliyatning  bu  turi  bolalar  hayotida  muhim  ahamiyatga  ega. 
Ular  turli  o’yinlar  orqali  kattalar  hayotiga  xos  bo’lgan  ijtimoiy  munosabatlar 
mazmuni bilan tanishadi, o’zlarini ijtimoiy jarayonlarda ishtirok etishga tayyorlaydi. 
O’yinlar bolalarda idrok, sezgi, xotira, tafakkur, nutqni rivojlantirishga yordam berish 
orqali  ularni  ma’naviy-axloqiy,  aqliy,    jismoniy  va  estetik  jihatdan  tarbiyalashga 
xizmat  qiladi.  Agarda  jismoniy  xatti-harakatlarni  rivojlantirishga  xizmat  qiladigan 
o’yinlar  bolalarda  chaqqonlik,  epchillik,  chidamlilik,  qat’iylikni  tarbiyalasa, 
intellektual,  konstruksiyali  o’yinlar  ularni  o’ylashga,  fikrlashga,  mantiqiy  tafakkur 
yuritishga  o’rgatadi.    Tarixiy  taraqqiyot  jarayonida  o’yin  nafaqat  bolalar,  balki 
kattalar  hayotidan  ham  alohida  o’rin  egalladi.  Zamonaviy  sharoitda    intellektual, 
sport va maishiy hordiq chiqarishga ko’maklashadigan o’yinlar ham kattalar orasida 
keng ommalashgan. Faoliyatning bu turi orqali shaxs insoniyat tomonidan yaratilgan 
bilimlarni  o’zlashtiradi,  ma’lum  sohalarning  mutaxassisi  sifatida  ularning  yanada 
rivojlanishiga  o’z  hissasini  qo’shadi.  Bolalar  hayotida  o’qishning  o’zi  ham  mehnat 
faoliyati  sifatida  namoyon  bo’ladi.  Zero,  o’qish  faoliyatini  tashkil  eta  olish  uchun 
ham  shaxs  ma’naviy-axloqiy  (to’g’ri  munosabat,  mas’uliyatni  his  qilish,  o’z  xatti-
harakatlarini baholay olish) va irodaviy (chidamlilik, tirishqoqlik, toqatlilik, o’z kuchi 
va imkoniyatlarini baholay olish) sifatlarni o’zlashtira olishi lozim.