Harbiy-texnik instituti m. X. Rustambayev

Jinoyatni sodir etishga rahbarlik qilish

 bevosita jinoyat sodir etilish 

vaqtida ishtirokchilar faoliyatini muvofiqlashtirib, tartibga solishni o‘zida 

ifoda etadi. Odatda, rahbarlik jinoyat sodir etish joyida amalga oshiriladi 

va bajaruvchi (bajaruvchilar) harakatini boshqarishdan iborat bo‘ladi. 

Biroq tajovuz joyida turmasdan, zarur ko‘rsatmalarni bajaruvchiga 

kommunikatsiya vositalari yordamida (telefon, ratsiya va boshq.) bergan 

shaxs ham jinoyat sodir etilishiga rahbarlik qilishi mumkin. 

Ishtirokchilikda muayyan jinoyatni sodir etishda tashkilotchi jinoyat 

tarkibining amalda bajarilishida qatnashgani yoki qatnashmaganligidan 

yoxud faqat jinoyatni bevosita bajaruvchilari jinoiy faoliyatining 

muvaffaqiyatiga sabab bo‘lgan harakatlarni sodir etishidan qat’i nazar, 

jinoiy faoliyat rahnamosi, rahbari sifatida jinoyatni bevosita sodir etishga 

rahbarlik qiladi. 

Jinoyat tashkilotchisi doimo 

to‘g‘ri qasd 

bilan harakat qiladi. U 

ishtirokchilar bajarishi shart bo‘lgan harakatlar mazmunini anglaydi, o‘z 

faoliyati natijasida jinoyat sodir etilishi mumkinligini oldindan ko‘ra biladi 

va shuni istaydi ham. Jinoyat tashkilotchisi o‘z qilmishi va boshqa 

ishtirokchilar qilmishlari ijtimoiy xavfli xarakterini anglaydi, ba’zi 

holatlarda guruh tarkibi haqida ma’lumotga ega (jinoyat sodir etishga 

tayyorgarlik qilishga rahbarlik holatida), butun guruh faoliyatining 

natijasida ijtimoiy xavfli oqibatlar yuzaga kelishi mumkinligi yoki 

muqarrarligini oldindan ko‘ra biladi hamda ushbu oqibatlar yuzaga 

kelishini istaydi ham. 

Agar tashkilotchi jinoyatning tayyorlanishiga yoki sodir etilishiga 

rahbarlik qilgan bo‘lsa-da, biroq jinoyat tarkibining obyektiv tomoni 

302 

 

---

bajarilishida bevosita ishtirok etmasa, uning harakatlari