Psixologik trening asoslari. N. Ismoilova

Fikrni  birinchi  shaxs  tomonidan  bayon  etish  normasi.  Bunda  doimo  mulohazalar 
"Menimcha...",  "Mening  fikrimcha...",  "Mening  o’ylashimcha..."  qabilida  bayon  etilishi  maqsadga 
muvofiqligi uqtirilishi kerak.  
"Yagona mikrofon" normasi. Biror ishtirokchi o‘z fikrini bildirayotganida, boshqalar unga 
diqqat  bilan  quloq  solishi  va  uning  gapini  boTmasligi,  bir-birining  shaxsini  o’zaro  hurmat  qilishi 
lozim. Kimdir gapirayotganida boshqa birovning unga quloq solmasligi so'zlovchining shaxsiyatiga 
tegishi  va  u  keyingi  bahslarda  o‘z  munosabatini  bildirishdan  bosh  tortishiga  olib  kelishi  mumkin. 
Bu esa trening samarasiga salbiy ta’sir ko'rsatishi ehtimolini keltirib chiqaradi.