F. I. Salomova Bilim sohasi: 500000 – “Ijtimoiy ta’minot va sog’liqni saqlash” Ta’lim sohasi: 510000 – “Sog’liqni saqlash”

 

 

 

 

 

 

 

 

 

 

 

 

 

 

 

 

 

 

 

 

 

---

 

174 

 

IV- BOB.  

HAVO MUHITI GIGIYENASI 

Havo  muhiti  odam  organizmining  salomatlik  va  funksional  holatlarini 

belgilab  beradigan  muhim  omillar  qatoriga  kiradi.  Havo  muhitining  odam 

organizmiga  ta’siri  homiladorlik  davridan  boshlanib  va  keyinchalik  butun  umri 

mobaynida  davom  etadi.  Shuning  uchun  har  qanday  vaziyatda  ham  havo 

muhitining  odam  organizmiga  eng  muvofiq  sharoitini  ta’minlash  uchun  shu 

muhitning eng optimal  yoki  odam  organizmi  uchun  uzoq  muddat davomida  ta’sir 

yettirilganda  ham  salbiy  oqibatlarga  olib  kelmaydigan  befarq  parametrlarda 

bo’lishiga erishish kerak. 

     Havo muhiti biosferaning muhim bir qismi hisoblanadi. 

Yer  sharining  havoli  qobig’i  planeta  bo’ylab  ko’p  ming  kilometrlarga  cho’zilib 

ketadi,  ammo  atmosfera  havosining  xususiyatlari  turli  balandliklarda  turlichadir, 

shuning uchun atmosfera havosini quyidagi qatlamlarga ajratiladi: 

-troposfera  -  yer  sathidan  o’rtacha  8-10  km  balandlikkacha  bo’lgan  masofa  ya`ni 

turli  kengliklarda  turli  balandliklargacha  kuzatiladi:  o`rta  kengliklarda  dengiz 

sathidan 10-12 km, ekvatorda – 15-18 km, qutblarda -8-10 km balandlikni tashkil 

etadi.  Stratosfera-50-60km  gacha  masofada,  mezosfera  taxminan  80km 

balandlikgacha  masofada,  ionosfera  (termosfera)  esa  600-800  km,  ekzosfera 

800km  dan  1300  kmgacha,  magnitosfera  so`nggi  ma`lumotlarga  ko`ra  50 000km 

gacha cho`zilib ketadi. 

Insonlarning  hayot  faoliyatlari  asosan  troposfera  qatlamida  o’tadi,  ammo 

yuqori  balandliklarda  ucha  oladigan  aviatsiyaning  yaratilishi  munosabati  bilan 

insonlar  stratosfera  qatlamlarigacha  ko’tarilish  imkoniyatlariga  ega  bo’ldilar, 

kosmik  texnikaning  yaratilishi  bilan  esa,  insonlar  atmosferaning  yuqori 

qavatlarigacha ko’tarilish imkoniga egadirlar. 

Gigiyena  nuqtai-nazardan  atmosferaning  quyidagi  xossalari  eng  ko’p 

ahamiyatga egadir: 

---

 

175 

 

1.Fizikaviy  xossalari  (havoning  harorati,  namligi,  harakat  tezligi  va  yo’nalishi, 

atmosfera bosimi, elektrlanish holati, havo muhitining radioaktivligi) 

2.Havo  muhitining  kimyoviy  xossalari  (tabiiy  kimyoviy  tarkibi,  kimyoviy 

aralashmalari) 

3.Havo muhitining biologik xossalari (havo tarkibida bo’ladigan mikroorganizmlar 

va ularning hayot faoliyatlari natijasida yuzaga keladigan mahsulotlari)