F. I. Salomova Bilim sohasi: 500000 – “Ijtimoiy ta’minot va sog’liqni saqlash” Ta’lim sohasi: 510000 – “Sog’liqni saqlash”

4.2. Havo muhitining kimyoviy tarkibining fiziologik va gigiyenik ahamiyati 

Atmosfera havosining tabiiy kimyoviy tarkibi troposfera qatlamida nisbatan 

barqarorligi ya’ni deyarli o’zgarmasligi bilan ta’riflanadi ; azot- 78,08%, kislorod-

20,95%,  karbonat  angidrid  gazi-  0,03%  va  1%  dan  biroz  ortiqcha  miqdorda  inert 

gazlar  tashkil  qiladi.  Ammo  insonlarning  xo’jalikdagi  jadal  faoliyatlari  tufayli 

atmosfera havosining kimyoviy tarkibi keskin o’zgarishga uchradi. Shuning uchun 

---

 

181 

 

bugungi kunda Yer kurrasida ifloslanmagan havo muhiti qolmadi desak mubolag’a 

bo’lmaydi.  Shunga  qaramasdan  havoning  fiziologik  va  gigiyenik  ahamiyati 

birinchi navbatda uning tabiiy kimyoviy tarkibiga bog’liqdir. 

Amalda  havo  tarkibidagi  barcha  gazlar  planetadagi  ichki  muhit  -  yerning 

tarkibi,  kosmik  moddalar,  suv  tarkibiga  bog’liqdir.  Bunga  faqat  kislorod  gazini 

kiritmaslik  mumkin,  chunki  Yerda  kislorodning  paydo  bo’lishi  suv  bug’larining 

dissotsiatsiyasi tufayli hosil bo’lgandir. Bu jarayon bugungi kunda ham mavjud va 

bundan  keyin  ham  shunday  bo’lib  qoladi.  Yerda  hayotning  paydo  bo’lishi, 

anorganik  moddalardan  organik  moddalarning  sintezlanishi  (fotosintezi)  tufayli 

hosil  bo’lishi,  Yer  atmosferasi  tarkibidagi  kislorodni  to’ldirib  turuvchi  muhim 

sharoitlardan biridir. Shunga ko’ra,  yer sathidagi yashil o’simliklar (dengizlardagi 

fitoplanktonlar,  o’rmonlar,  yer  sathining  o’tlar  va  o’simlik  dunyosi  bilan 

qoplanganligi) planetamiz uchun "O’PKA" vazifasini bajaradi. 

Kislorod  gazi  juda  katta  fiziologik  ahamiyatga  egadir,  chunki  bu  gazsiz 

organizmda oksidlanish-qaytalanish jarayonlarini ketishini tasavvur qilish mumkin 

emas.  Odam  organizmi  tinch  holatda  bo’lganda  minutiga  o’rta  hisobda  350  ml, 

jismoniy  mehnat  bajarganda  -  minutiga  5000  ml  gacha  kislorod  sarflaydi.  Odam 

organizmida amalda kislorod zahirasi bo’lmaydi, qonning kislorod bilan to’yinishi 

esa,  kislorodning  partsial  bosimi  160mm  simob  ustuniga  teng  bo’lgan  va  yoki  bu 

qiymatga  yaqin  bo’lgan  hollardagina  kuzatilishi  mumkin  va  bunday  sharoitga 

odam organizmi o’zining evolyutsion rivojlanishi jarayonida moslashib qolgandir. 

Kislorodning  bunday  darajadagi  partsial  bosimi  faqat  normal  atmosfera  bosimi 

sharoitidagina  kuzatiladi.  Yer  sathidan  yuqoriga  ko’tarilish  bilan  atmosfera 

bosimining  pasayishi  kuzatilib,  bunda  kislorodning  ham  partsial  bosimi  kamayib 

boradi. Kislorodning partsial bosimini pasayishida organizmdagi qonning kislorod 

bilan  to’yinmasligini  va  kislorodga  bo’lgan  tanqislik  holatini  keltirib  chiqaradi. 

Odam organizmi amalda yer sathidan 1 km balandlikkacha ko’tarilganda gipoksiya 

holatiga uchramaydi, chunki kislorodning partsial bosimi u qonni to’liq to’yintirish 

qobiliyatiga  ega  bo’ladi.  1,5-3  km  balandlikkacha  odam  organizmi  bunday 

---

 

182 

 

sharoitga  tez  moslasha  olish  xususiyatiga  egadir,  chunki  bu  jarayon  yeritrotsitlar 

tarkibidagi  zahira  kislorodning  va  gemoglobin  tarkibidagi  kislorodning 

mobilizatsiya  qilinishi;  hamda  o’pka  ventilyatsiyasining  fiziologik  tezlashishi 

hisobiga  sodir  bo’ladi  (to’liq  kompensatsiyalanish  zonasi).  Yer  sathidan  3km  dan 

6km  balandlikkacha  ko’tarilganda  esa,  to’liq  moslashish  kuzatilmaydi,  7km  dan 

yuqorisi  esa  kritik  zona  hisoblanadi.  8km  va  undan  yuqoriga  ko’tarilganda  odam 

organizmi  qo’shimcha  texnik  vositalarsiz  faoliyat  ko’rsatolmaydi  (o’lim  zonasi). 

Shuning  uchun  aytish  lozim-ki,  2-3km  dan  yuqori  balandliklarga  ko’tarilishda 

jismonan  chiniqmagan  shaxslar  organizmida  nafasning  siqilishi,  meteorizm, 

ko’ngil  aynishi,  badan  va  yuz  terisining  bo’zarishi,  bosh  og’rishi,  burundan  qon 

ketishi, lablarning bo’zarishi ya’ni gipoksiya holati belgilari kelib chiqadi. Bunday 

holatning  kelib  chiqishining  oldini  olish  uchun  birinchi  navbatda  badanni 

chiniqtirish,  jismoniy  tarbiya  mashqlari  bilan  shug’ullanish  katta  ahamiyatga 

egadir. Yuqoridagi holatni tibbiy tilda balandlik yoki tog’ kasalligi deb nomlanadi. 

Bizning  respublikamizning  ayrim  viloyatlaridagi  tog’li  hududlarda  tog’lik  xalqlar 

yashaydi,  bu  aholi  yashash  joylarining  yer  sathidan  balandligi  3  km  va  undan 

yuqoridir,  ammo  bu  qishloqlarda  yashovchi  aholi  o’rtasida  tog’  kasalligining 

belgilari  umuman  kuzatilmaydi,  chunki  ularning  organizmi  shu  sharoitga  uzoq 

muddat davomida yashaganligi sababli moslashib ketgan va havodagi kislorodning 

partsial  bosimi  ham,  atmosfera  bosimining  pastligi  ham  ular  organizmiga  salbiy 

ta’sir ko’rsatmaydi.  

Yuqori  balandliklarda  parvoz  qiluvchi  avialaynerlarning  passajirlari  ham 

gipoksiya  holatini  boshidan  kechirmaydilar,  vaholanki  samolyotning  uchish 

balandligi 8-10km ni tashkil yetsa ham, chunki samolyot saloni germetik berkilgan 

bo’lib  va  salonda  sun’iy  ravishda  havo  bosimi  720-730mm  simob  ustunga  teng 

qilib ushlab turiladi. 

Atmosfera havosi tarkibida karbonat angidrid gazi 0,03-0,04% tashkil qiladi 

va  bu  gazning  ahamiyati  ham  juda  muhimdir.  CO

2

  gazining  fiziologik  ahamiyati 

shundan iborat-ki, uning kontsentratsiyasi katta bo’lmagan miqdorlarda nafas olish 

---

 

183 

 

markazini  qo’zg’atish  xususiyatiga  egadir,  shu  bilan  birga  nafas  olish  aktini 

yaxshilaydi.  Ammo,  uning  kontsentratsiyasi  1%  yoki  2%  ni  tashkil  yetsa,  nafas 

etishmasligi,  nafas  olishning  tezlashishi  holatlari  kuzatiladi,  4%  dan  ortiq 

bo’lganda esa organizmga zaharli ta’sir ko’rsatadi. 

Karbonat  angidrid  gazi  nafas  olish  orqali  ajraladi,  chunki  organizmda  ro’y 

beradigan  ko’p  biokimyoviy  jarayonlarning  oxirgi  mahsuloti  hisoblanadi.  Bundan 

tashqari  CO

2

  chirish  jarayonida,  yoqilg’ilarning  yonishi,  sanoat  korxonalarida 

texnologik jarayonlar oqibatida ko’plab ajralishi mumkin. Agar tabiatdagi o’simlik 

dunyosida  kuzatiladigan  fotosintez  jarayoni  bo’lmaganda  edi,  atmosfera  havosida 

uning  miqdorini  juda  tez  to’planishi  kuzatilar  edi.  Bu  gazning  sanitar  ahamiyati 

ham  kattadir.  Jumladan,  sanoat  korxonalari  havosi,  jamoat  joylari,  kasalxonalar 

palatalari  havosi  tarkibida  CO

2

  gazining  to’planish  holatlari  kuzatiladi.  Shuning 

uchun  bunday  xonalar  va  binolar  havosini  sifatli  shamollatib  turish  talab  etiladi. 

Turar-joy  binolari  havosi  tarkibida  CO

2

  gazining  REK  0,1%  ga  teng  deb  qabul 

qilingan.  Shu  miqdordan  ozgina  ko’payish  organizmni  zaharlanishga  olib 

kelmaydi,  ammo  shu  xonalar  havosining  ifloslanganligidan  dalolat  beradi  ya’ni 

antropogen  ifloslanganligini  ko’rsatadi.  Shuning  uchun  CO

2

  gazi  xonalar 

havosining  ifloslanganligining  qiyosiy  ko’rsatkichi  sifatida  qabul  qilingan.  Oxirgi 

o’n  yilliklarda  insonlarning  jadal  xo’jalik  faoliyatlari  tezlashishi  oqibatida  va 

ko’pincha  oqilona  tashkil  etilmagan  xo’jalik  faoliyati  tufayli  CO

2

  ning  atmosfera 

havosidagi  kontsentratsiyasi ortib  ketayotganligi kuzatilmoqda.  Mas.,  katta sanoat 

shaharlari havosi tarkibidagi CO

2 

gazining kontsentratsiyasi 0,05-0,06% ga to’g’ri 

keladi.  Uning  atmosferadagi  miqdorini  1,5-2  martaga  ko’payib  ketish  muammosi 

butun dunyo muammosi deb qaralmoqda, chunki CO

2

 gazi yer yuzasida infraqizil 

nurlarni tutib qoladi, natijada shu joydagi iqlimni o’zgartirib yuboradi. Olimlarning 

hisoblariga  qaraganda  agar  butun  atmosfera  bo’yicha  CO

2

  ning  kontsentratsiyasi 

0,06%  ga  ortib  ketsa,  havoning  o’rtacha  harorati  4,5

o

  C  ga  ko’tariladi.  Bunday 

katastrofik  oqibatlarni  olib  kelishiga  zamin  yaratadi  demakdir:  ya’ni  butun  dunyo 

hududini  cho’l  zonalariga  aylanib  ketish  xavfini,  qurg’oqchilik,  muzliklarning 

---

 

184 

 

yerib  ketishi,  Dunyo  okeani  sathining  ko’tarilib  ketishi  va  juda  katta  hududlarda 

suv  toshqinlariga  sababchi  bo’lishi  mumkin.  Karbonat  angidrid  gazining  bunday 

ta’sir  samarasini  "ISSIQXONA  SAMARASI"  deb  baholanib,  global  muammolar 

qatoriga  qo’shilgan,  chunki  bunday  ta’sir  oqibatlarining  ayrimlari  hozirgi  kunda 

qayd qilinmoqda. 

Havo  muhitining  asosiy  qismini  azot  gazi  tashkil  qiladi.  Bu  gazning 

insonlarning  hayot  faoliyatlaridagi  tutgan  o’rni  barchamizga  ayon.  Azot  gazi 

tabiatda  doimo  aylanib  turadi,  natijada  yil  davomida  hayvon  organizmlari  va 

o’simlik dunyosi tomonidan o’rta hisobda 360 mln tonna azot o’zlashtiriladi. 

Uning  o’rnini  to’ldirish  juda  murakkab,  mas.,  1  tonna  yoqilg’ining  yonishi 

natijasida bor-yo’g’i 15kg azot hosil bo’ladi. Shu kungacha azotning organizmdagi 

fiziologik tutgan o’rni to’liq o’rganilmagan. Azot atmosfera havosidagi kislorodni 

suyultirib turuvchi gaz deb hisoblanadi. 

Azot  gazining  kesson  kasalligidagi  tutgan  negativ  o’rni  hammamizga 

ma’lum.  Kesson  -  bu  suv  ostida  faoliyat  ko’rsatadigan  inshoot  bo’lib,  suv  osti 

tonnellarini qurish,  ko’priklar qurish,  yer osti  konlarda  ishlash va boshqa  suv  osti 

ishlarini  bajarishda  kuzatiladi.  Kessonli  sharoitda  ishlashda  yuqori  havo  bosimi 

yaratiladi, bu esa u yerga suvning kirib ketishini oldini oladi. Bunday sharoitda ish 

bajarganda havo orqali qabul qilinadigan azot gazi organizmdagi suyuqliklar - qon, 

to’qimalararo  suyuqliklarda  ko’p  miqdorda  eriydi,  normal  sharoitda  esa  bunday 

jarayon  kuzatilmaydi.  Ana  shunday  sharoitda  ish  bajarib,  keyinchalik  suv  ostidan 

yer  sathiga  tez  ko’tarilish  oqibatida  organizmdagi  erigan  azot  tez  va  to’liqligicha 

organizmdan  o’pka  orqali  chiqib  ketishga  ulgurmaydi,  natijada  qon  va  boshqa 

suyuqliklarda  gaz  pufakchalarini  hosil  qiladi.  Qon  tomirlarining  ana  shunday  gaz 

pufakchalari  bilan  to’silib  qolishi  (gazli  emboliya)  bir  qator  kasallik  belgilarini 

keltirib chiqaradi, jumladan kuchli bosh og’rishi, bo’g’inlarda og’riq, to’qimalarda 

g’ichirlash  sezgilarini  uyg’otilishi  kabilar.  Shuning  uchun  bu  kasallikni  “Kesson 

kasalligi"  deb  nomlangan.  Bunday  kasallik  holatlari  kesson  sharoitida 

ishlovchilarda  yuqori  atmosfera  bosimidan  normal  bosimga  tez  o’tish  sharoitida 

---

 

185 

 

sodir bo’ladi. Kesson kasalligini oldini olish uchun yer sathiga juda sekinlik bilan 

ko’tarilish  muhim  ahamiyat  kasb  etadi,  bundan  tashqari  kessondagi  havoni  geliy-

kislorod  aralashmali  havo  bilan  almashtirish  va  bunday  ishlarga  faqat  jismonan 

chiniqqan baquvvat odamlarni qabul qilish kerak. 

Klinik  belgilari  bo’yicha  kesson  kasalligiga  o’xshash,  ammo  yetiologiyasi 

biroz  boshqacha  bo’lgan 

dekompression

  kasallik  turi  ham  mavjuddir.  Bu  kasallik 

normal  atmosfera  bosimidan  birdaniga  juda  kam  yoki  past  bosimga  o’tish 

sharoitida yuzaga keladi. Bunday tasodiflar yuqori balandliklarda parvoz qiladigan 

samolyot  kabinalari,  kosmik  kemalar  kabinalarining  germetikligi  buzilganda 

yuzaga  keladi.  Bunday  sharoitda  barcha  qon  tomirlarida  erigan  gazlarning  havo 

pufakchalariga  aylanishi  kuzatiladi.  Buning  uchun  odamlar  hayotini  saqlash 

maqsadida  samolyot  balandligini  ya’ni  uchish  balandligini  keskin  pasaytirish 

tavsiya etiladi. 

Atmosfera  havosining  tarkibiga  kiruvchi  boshqa  gazlardan  ozon  va  geliy 

gazlarini  ta’riflash  kifoyadir.  Troposfera  havosi  tarkibidagi  ozon  kontsentratsiyasi 

foizning  mingdan  bir  ulushiga  to’g’ri  keladi,  ammo  stratosfera  qatlamida  uning 

miqdori ancha yuqori, shuning uchun havoning bu qatlamini shartli ravishda "ozon 

qatlami" deb nomlanadi. Bu havo qatlamining ahamiyati juda katta bo’lib, quyosh 

radiatsiyasi  tarkibiga  kiruvchi  va  yer  sathigacha  etib  keladigan  ultrabinafsha 

nurlarning  qisqa  to’lqinli  qismini  o’zida  tutib  qoladi.  Oxirgi  o’n  yilliklarda 

Antarktida  qit’asining  ustida  ozon  qatlamining  yupqalashishshi  haqidagi 

ma’lumotlar  matbuot  sahifalarida  tez-tez  uchrab  turibdi.  Bu  fenomenni  "Ozon 

teshigi"  deb  nomlandi.  Bunday  holat  qutb  doirasidan  chetda  (Zapolyare)  va 

yekvatorial  hududlarda  kuzatiladi.  Bunga  sabab  tariqasida  insonlarning  hayot 

faoliyatlari  natijasida  atmosfera  havosiga  ayrim  kimyoviy  moddalarning  yoki 

ularning  birikmalarini  (freonlar,  azot  oksidlari)  ko’p  miqdorlarda  chiqarilishi 

natijasida yuzaga keladi deb qaraladi. 

Geliy  gazi  biologik  inert  gazlar  qatoriga  kiradi.  U  azot  gazidan  engil.  Bu  gaz 

o’pka  to’qimasini  atelektazdan  himoya  qiladi  degan  fikrlar  mavjud.  Bundan 

---

 

186 

 

tashqari  sun’iy  atmosfera  havosini  suyultiruvchi  gaz  hisobida  kam  qatnashadi 

degan fikrlar bor.