Махсус таълим вазирлиги мирзо улуғбек номидаги

 
III.2.2. Генларнинг ўзаро эпистатик таъсирида 
белгиларнинг ирсийланиши 
 
Мендель қонунлари билан танишиш жараёнида биз бир жуфт аллел 
генларнинг доминант (А) ҳолати, рецессив (а) ҳолатига нисбатан устунлик 
қилишини кўрган эдик. Бу ҳодиса бир ген аллелларидаги доминантлик деб 
юритилади. Генетик таҳлил соҳасидаги тадқиқотларнинг Менделдан 
кейинги даврдаги ривожи туфайли, аллел бўлмаган генларнинг ўзаро 
муносабатида ҳам доминантлик-рецессивлик ҳолатлари намоён бўлиши-
нинг мумкинлиги исботланди. 

---

48 
Бир ген аллелининг иккинчи бир ген аллелига нисбатан доминантлик 
қилиш (А> В ёки В> А, а >В ёки b> А) ҳодисаси 
эпистаз 
деб аталади. 
Генетик таҳлил соҳасидаги тадқиқотлар натижасида эпистаз доминант ва 
рецессив ҳолатда бўлишлиги аниқланган. Бошқа генлар фаолиятини босиб 
турадиган, яъни унга нисбатан доминантлик қиладиган генни 
ингибитор
ёки 
супрессор
деб аталади. Улар I ёки S символлари билан ифодаланади. 
Ингибитор ген эпистатик ген
деб ҳам юритилади. Аллел бўлмаган 
доминант I генига нисбатан рецессив ҳолатдаги ген эса 
гипостатик ген 
деб аталади. Доминант эпистазда ноаллел структуравий генлар 
фаолиятини тўхтатиб қўйиш функциясини ингибитор генининг доминант 
аллели гомозиготали (II) ва гетерозиготали (Ii) ҳолатда амалга оширади. 
Рецессив эпистазда структуравий ноаллел генлар фаолиятини ингибитор 
генининг рецессив аллели гомозигота (ii) ҳолатда тўхтатиб туради. Энди 
доминант ва рецессив эпистаз билан алоҳида - алоҳида танишиб ўтамиз. 
Ирсийланган белгилар ажралишининг 13:3 нисбати
. Бунга мисол 
қилиб товуқ зотларида пат рангининг ирсийланишини келтирамиз. 
Патлари оқ рангда бўлган иккита товуқ зотларининг фенотипи бир хил 
бўлса ҳам, уларнинг бу белги бўйича генотиплари ҳар хил бўлишлиги 
аниқланди. Бунинг учун оқ патли парранда зотлари ўзаро чатиштирилган. 
Олинган F
1 
дурагай паррандаларнинг патлари оқ рангда бўлган. F
1 
дурагай 
авлодидаги товуқ ва хўрозлар ўзаро чатиштирилиб, олинган иккинчи 
авлодда (F
2
) пат ранги бўйича фенотипик синфга ажралиш кузатилди. 
Уларнинг 13/16 қисми оқ, 3/16 қисми эса қора патли паррандалар эканлиги 
аниқланди (19-расм).