Умуртқалилар зоологияси фанининг предмети, ўрганаѐтган объекти ва вазифалари

Кўпайиши. Сут эмизувчилар кўпайиш характерига қараб уч гуруҳга 
бўлинади. 
1. Тухум қўйиб кўпайиш. Тухуми сариқ моддага бой бўлиб, 
туғилганда зародиш анча ривожланган бўлади. Тухумни онаси босиб 
инкубация қилади (ўрдакбурун) ѐки халтачада олиб юради (ехидна). 
Тухумдан чиққан болани онаси сут билан боқади. 
2. Чала, нимжон бола туғиб кўпайиш. Бола бачадонда ривожланади, 
йўлдош бўлмайди, туғилган бола қопчиқда олиб юрилади ва сут билан 
боқилади (қопчиқлилар). 
3. Яхши ривожланган бола туғиб кўпайиш. Буларнинг туғилган 
болалари яхши ривожланган ва ҳатто ўша куни юра олади. Ҳеч бўлмаганда 
ўзи эма олади, чунки буларнинг болалари йўлдош ичида, у орқали она 
организми ҳисобидан овқатланади. Бу гуруҳга йўлдошлилар мисол бўлади. 
Сут эмизувчилар турли ѐшда балоғатга етади. Масалан, филлар 20-25 
ѐшда, бўри 1 ѐшида, майда кемирувчилар эса бир ойлигида балоғатга 
эришади. Сут эмизувчилар, кўпинча, бир йилда бир марта бола туғади. Лекин 
кўпинча кемирувчилар йилига бир неча марта болалайди. Масалан, тйинлар 
(олмахонлар) ва товушқонлар йилда уч мартагача, сичқонлар ва каламушлар 
эса ундан ҳам кўп болалайди. Иккинчи томондан баъзи бир даррандалар, 
масалан, қўтос, туя, китлар йил оралаб урчийди. Филлар эса 3-4 йил ўтказиб 
урчийди. Катта даррандалар ҳар сафар битта, кичик даррандалар эса кўп бола 
туғади. Масалан, оқ сичқонлар – 18 тагача бола туғади. 
Сут эмизувчиларнинг буғозлик ва туғиш даври узоқ бўлганлиги 
муносабти билан куюкиш, яъни қўшилиш даври ҳам ҳар хил бўлади. 
Масалан, итлар (бўри, тулки) қишнинг охирида январ, феврал ойларида 
қўшилади, буғозлик даври қисқа бўладиган майда даррандалар 
(типратиконлар, сассиқкўзанлар, латчалар, кемирувчилар) баҳорда куюкади, 
сусар, бўрсиқ каби ҳайвонлар ѐзда; буғулар эса кузда қўшилади. 
Буғозлик даври сут эмизувчи ҳайвоннинг катта-кичиклигига маълум 
даражада боғлиқ бўлади. Масалан, майда кемирувчиларда буғозлик даври 8-
20 кун, қуѐнда бир ой, товушқонда 50 кун, итда 2 ой, арслонда 4 ой, айиқда 7 
ой, отда 11 ой, туяда бир йилча, филда 20 ой давом этади. Бегемот боласини 
қорнида 8 ой, сигир, орангутан ва одам 9 ой, катта кит ҳам бир йилча 
боласини қорнида олиб юради.