Marketing tadqiqotlari

 
Mavzu №15. Korxona ichki imkoniyatlari va raqobatbardoshligi 
tahlili……………………………………………….................................................122 
 
Atamalar lug‟ati.......................................................................................................128 
 
Foydalanilgan adabiyotlar ro„yxati……………………………………………..138 
 
 
Kirish.
 
 
Bozor  munosabatlarining  ravnaq  topishida,  erkin  raqobat  va  aholining  turmush 
farovonligini ta`minlashda marketing faoliyati muhim ahamiyat kasb etadi. Korxona va tashkilotlar 
zaminida  marketing  faoliyatini  tashkil  etish,  avvalambor,  marketing  sohasidagi  izlanishlarning 
mohiyatiga,  mazmuniga  va  yo„nalishiga  asoslanadi.  Marketing  tadqiqotlarining  yalpi  marketing 
faoliyatini tashkil etishda, uni boshqarishda, rejalashtirishda va nazorat qilishda muhim ahamiyatga 
ega  bo‟lishi  –  zamonaviy  marketing  nazariyasining  asosiy  xususiyatlaridan  biri  sifatida  namoyon 
bo„lmoqda. 
Marketing  tadqiqotlarining  yuqori  darajada  tashkil  etilishi,  ularning  ko„lami,  tahliliy  va 
qayta  ishlash  jarayonlarida  foydalaniladigan uslublar  yig‟indisi, bevosita korxona va tashkilotning 
marketing    strategiyasini  belgilashda,  amalga  oshirishda,  dastlabki  bosqich,  «tayanch  nuqta» 
hisoblanadi.  Iste`mol  bozori  tobora  yangi  tovarlar  va  xizmatlar  bilan  boyib  borayotgan  bugungi  

---

 
4 
 
sharoitda    yangi  imkoniyatlarni  aniqlash  va  ulardan  oqilona  foydalanishda  marketing 
tadqiqotlarining ahamiyati kun sayin ortib bormoqda. 
Bozordagi mavqeni saqlab turish, raqobatchilarga nisbatan doimiy ustuvorlikka ega bo„lish 
garovi  sifatidagi  marketing  tadqiqoti  yaxlit  tizim  sifatida  shakllanadi.  Ko„pgina  yirik  va  hozirgi 
kunda  o„ta  nufuzli  va  mashhur  kompaniyalar  izchil  va  davomiy  marketing  tadqiqotlarining 
natijalari o„z muvaffakiyatlarining garovi deb e`tirof etmoqdalar. 
O„zbekistonda  iqtisodiy  islohotlarni  chuqurlashtirish  jarayonining  asosiy  shartlari  ishlab 
chiqarilayotgan  mahsulotlar  raqobatbardoshligini  ta`minlash,  ishlab  chiqaruvchi  va  xaridorlar 
o„rtasidagi  munosabatlarni  samarali  shakl  va  uslublarda    tashkil    etishdan    iborat.  Bu  xususda 
yurtboshimiz  I.  Karimov  bunday  fikrni  olg‟a  surgan  edilar:  «Ishlab  chiqaruvchilarning  ham, 
iste`molchilarning ruxiyatini o„zgartirish lozim. Biz o„zimizda ishlab chiqaradigan, xarid qiladigan 
narsalar  bilan  farxlanishimiz  kerak.  Ishlab  chiqarilayotgan  mahsulot  o„z  xaridorini  topmasa, 
o„zimizda  tayyorlanayotgan  mollarning  sifati  odamlarga  yoqmasa,  bu  milliy  sha`nimizga    dog‟ 
bo„lib  tushadi...  Biz  «O„zbekistonda  ishlab  chiqarilgan»  tamg‟a  qo„yilgan  mahsulot  dunyoning 
xamma  tomonlarida  mamnuniyat  bilan  xarid  qilinadigan,  ortiqcha  reklamaga  muhtoj  bo„lmagan 
mahsulotga aylanishiga erishmog‟imiz darkor». 
Marketing  tadqiqotlarining  amaliy  zaruratga  aylana  borishiga  yana  bir  sabab,  bu 
mamlakatimizda  barcha  mulkchilik  shakllariga  asoslangan  iqtisodiyotning  shakllanishi  va  uni 
tobora  jadal  sur`atlar  bilan  rivojlanishidir.  Iste`mol  bozorida  erkin  raqobatni  imkon  boricha  keng 
shakllantirish va savdoda yakka xokimlikka chek kuyish borasida bir kator amaliy chora – tadbirlar 
belgilandi. 
Shu boisdan, xar bir tashkilot, korxona, muassasa oldida turgan asosiy vazifalardan biri bu 
potentsial  xaridorni  aniqlash,  uni  shakllantirish  va  bozorda  «o„suvchan  o„ringa  va  mavqega»  ega 
bo„lish hisoblanadi. Bu vazifani xal etishda muntazam va samarali marketing tadqiqotlarini tashkil 
etish, uyushtirish, tashkilot va korxonalarning ravnaqini  belgilashda ushbu tadqiqotlar  natijalariga 
tayanish muhim ahamiyatga ega. 
Iqtisodiy jihatdan rivojlangan ilg‟or davlatlarning yirik firmalari tajribasi shuni ko„rsatadiki, 
marketing  nazariyasi  va  amaliyotining  ravnaqi  bevosita  marketing  izlanishlari  va  tadqiqotlari 
yo„nalishlariga  bog‟liq. AQSH, Germaniya, Yaponiya,  Frantsiya,  Angliya kabi davlatlarda  yuqori 
darajada shakllangan ijtimoiy - etik  marketing birinchi o„ringa  xaridor, jamiyat  farovonligini, ular 
oldidagi ijtimoiy mas`uliyatni qo„yadi.  
Mazkur ma`ruza matnlarining asosiy maqsadi talabalarning marketing tadqiqotlaring asosiy 
uslublari,  yo„nalishlari,  ushbu  jarayonni  tashkil  etish  xususiyatlari  bilan  tanishtirish  va  muayyan 
korxona  va  tashkilot  mikyosida  faoliyatni  amalga  oshirish  borasidagi  ko„nikma  hosil  qilish 

---

 
5 
 
hisoblanadi.  Ushbu  maqsadga  erishish  maqsadida  ma`ruza  matnlarida  amaliyotda  keng  tarqalgan 
marketing  tadqiqoti  uslublarining  tafsiloti,  ularning  ijobiy  va  salbiy  jihatlari,  tadqiqotni  tashkil 
etish xususiyatlari keltirilgan.