Европейский Централный Банк (ецб)

Тижорат банклари 
 
Япония банк тизими асосини – умуммиллий банклар ташкил этади. 1992 
йилни 1 апрел ҳолатига бу муассасаларнинг сони 151 тани ташкил этиб, 
уларни 16596 та филиали мавжуд бўлган. Умумий капитал миқдори -795.5 
трлн. иенани ташкил этиб, жами мамлакат банк тизими капиталининг 
умумий миқдорини 79.9 % ташкил этган. Берган ссудаларининг миқдори – 
555.6 трлн. иенани ташкил этган (бу жами банк тизими томонидан берилган 
кредитларнинг 80 фоизига тенгдир). 
Умуммиллий банклар таркибига шаҳар банклари, ҳудудий банклар, 
ҳудудий банкларнинг иккинчи разряди, узоқ муддатли кредитлаш банклари 
ва траст банклари киради. Кредит-банк тизимининг ядроси бўлиб шаҳар 
банклари ҳисобланади, уларни умумий сони 11 та бўлиб, филиаллари -
3737тани ташкил этади. Йиғилган капитал миқдори 357.7 трлн. иена (бу банк 
тизими умумий капиталининг 35,9 % тенг), берган кредитлар миқдори 266,0 
трлн. иена (жами берилган кредитлар миқдорининг 38,3 % тенг). Япония
молия гуруҳининг йирик банклари: “Дайите Канге Банк”, “Сакўра” банк, 
“Фудзе Банк”, “Мицубиси Банк”, “Асахи” банк, “Санва Банк”, “Сумитомо 
Банк”, “Токай банк”лар ҳисобланади. Уларнинг кўпчилик штаб-квартираси 
Токио ва Осаке шаҳарларида жойлашган.
Ҳудудий банклар, худди шаҳар банклари сингари тижорат банклари 
ҳисобланади, лекин капитал ва операциялар миқдори бўйича улардан бироз 
орқада туради. Улар асосан кичик ва ўрта шаҳарларда жойлашган. Бунақанги 
банклар сони – 64, филиаллари – 7598 та. Йиғма капитали 160,9 трлн. иенани 
ва кредитлаш миқдори 119,1 трлн. иенани ташкил этади. 
Иккинчи навбатдаги (разряддаги) ҳудудий банклар, тартибга асосан 
унчалик катта бўлмаган капиталга эгадирлар. Уларда хусусий шахслар ва 
унчалик катта бўлмаган корхоналар операциялари юқори улушни ташкил 
этади. Уларнинг сони 66 та, филиаллари сони- 4732 та, капитал миқдори – 
59,2 трлн. иена, кредитлаш миқдори -47,9 трлн. иенани ташкил этади.
Шаҳар ва ҳудудий банкларни асосан траст операцияларни ўтказишга 
ихтисослашган траст банклар билан ўзаро киришиб кетиши кучаймоқда. 
Жамиси бўлиб 7 траст-банклар 430 та филиаллари билан амал қилмоқда. 

---

98 
Улар томонидан берилган кредитлар улуши, жами берилган кредитлар 
миқдорида 9,8 % ни ва умумий банк капиталига нисбатан 14,7 % ташкил 
этмоқда. Улар асосан қисқа ва ўрта муддатли ссудалар бериш билан 
шуғулланадилар. Булар Япония саноат банки, Япония узоқ муддатли кредит 
банки ва Япония кредит банки ҳисобланади. Уларнинг капитал миқдори – 
71,4 трлн, иенани ва кредитлаш миқдори – 54,8 трлн. иенани ташкил этади. 
Бу банкларнинг фаолияти банклар тўғрисидаги қонун билан бир қаторда узоқ 
муддатли кредит қонунни билан тартибга солинади.