Microsoft Word ece. Cep. 156. Uzbek doc

 
 
 
 
 
 
 
 
 
 
 
 
 
 
 
 
 
 
 
 
I-ҚИСМ: СИЁСАТНИ БЕЛГИЛАШ, 
РЕЖАЛАШТИРИШ ВА АМАЛГА ОШИРИШ 
 
 
 
 
 
 

---

---

19 
1-боб 
 
БАРҚАРОР РИВОЖЛАНИШ ВА АТРОФ-МУҲИТНИ 
МУҲОФАЗА ҚИЛИШ БОРАСИДА СИЁСАТНИ 
БЕЛГИЛАШ УЧУН ШАРОИТ 
 
1.1 2001 
йилдан кейинги ўзгаришлар ва ҳозирги шароит 
2001 йилдан буён Ўзбекистон иқтисодиёти жиддий ривожланиш ва хусусийлаштириш даврларини 
босиб ўтди. Иқтисодий ўсиш натижалари чуқур таассурот қолдирмоқда, 2002 йилдан бери ялпи ички 
маҳсулот (ЯИМ) 4 фоиз ўсиш кўрсаткичидан 2005 йилдан бошлаб ҳозиргача барқарор 7 фоиз ўсишга 
етиб борди. Ҳукумат сиёсатида макроиқтисодий барқарорлик қўллаб-қувватланиб келди, иқтисодий 
ўсиш рағбатлантирилди, тадбиркорлик муҳити яхшиланиб келди ва хусусий сектор ривожланиши 
енгиллаштирилди. Гарчи жаҳон иқтисодий инқирози Ўзбекистонга катта таъсир ўтказмаган бўлса-да, 
2008 йилнинг охирида ҳукумат экспортни кенгайтириш, ички маҳсулотга талабни ошириш, энергетика 
самарадорлигини яхшилаш ва кичик ва ўрта корхоналарни янада ривожлантиришга йўналтирилган 
инқирозга қарши қамровли чоралар мажмуини қабул қилиш қарорига келди. 
Иқтисодий ўсиш тақозоси қишлоқ хўжалиги ва саноат, ресурсларни қазиб олиш, ва жумладан сув ва 
энергиядан фойдаланишга қатта юк ортмоқда. Суғориладиган ерлари жуда катта бўлгани туфайли 
Ўзбекистон Марказий Осиёда сувдан энг кўп фойдаланадиган мамлакатдир. Бу эса мамлакатда сув 
сифати, биохилма-хиллик ва сув-ботқоқ ерларига салбий таъсир кўрсатмоқда. Шунингдек, бу Орол 
денгизи ва унинг экотизимсининг йўқ бўлиб кетишига ҳисса қўшди. Суғориш ва дренажнинг 
ёмонлашиб бориши ер янада деградация бўлиши хавфини туғдирмоқда. Ўсиб бораётган энергетика 
тармоғида унинг самарадорлигини ошириш ва ифлослашни камайтириш учун технологияга янги 
инвестициялар талаб қилинмоқда. Кон фаолияти ер деградацияси ва зарарли чиқинди хавфини келтириб 
чиқармоқда. 
2001 йилдан бери ҳукумат ҳуқуқий шароитни ўзгартириш йўли билан ушбу ташвишли масалаларни 
ечишга ҳаракат қилди. Янги, масалан шу қаторда кончилик, чиқиндилар, ердан фойдаланиш 
тўғрисидаги қонунлар қабул қилинди. Атроф-муҳитни муҳофаза қилишда тамал тоши ҳисобланадиган 
жамоатчиликнинг иштироки ва ахборот олиш имконияти учун ҳам ҳуқуқий замир яратилмоқда.