Илмий тадқиқот асослари: 1000 саволга 1000 жавоб тошкент–2019

 
458 - САВОЛ: 
ИНТЕРФАОЛ ВОСИТАЛАР ДЕГАНДА 
НИМАНИ ТУШУНАСИЗ? 
ЖАВОБ: Интерфаол воситалар деганда қуйидагилар 
тушунилади: 

аудио, видео ва электрон анжуманлар; 

овозли ва ёзувли икки томонлама мулоқот қила оладиган 
оддий ва ёндошли алоқалар; 

телеанжуманлар ва шу кабилар. 
КЎРСАТМА: Интерфаол усуллардан фойдаланиш ўқитиш 
жараёнига самарали таъсир кўрсатиб, ўқув жараёнини жонли 
ташкил этишни таъминлайди. Шу билан бир қаторда аввал 
билимлар ва янги ахборотлар ўртасида боғланиш ҳосил қилиб, 
материални тўла тушунишга замин яратади. 
 
459 - САВОЛ: 
ИНТЕРФАОЛ БЎЛМАГАН ВОСИТАЛАР 
ДЕГАНДА НИМАНИ ТУШУНАСИЗ? 
ЖАВОБ: Интерфаол бўлмаган воситалар деганда қуйидагилар 
тушунилади: 

машғулотга тегишли дидактик воситалар; 

аудио ва видео тасмалар (дисклар); 

---

318 

бир томонлама оддий ва йўлдошли алоқалар; 

телевизион кўрсатувлар; 

радио эшиттиришлар; 

компакт дисклар; 

“Интернет” тармоқлари ва шу кабилар. 
КЎРСАТМА: Интерфаол дарсларни ташкил этишда ўқув 
жараёнида якка тартибда, жуфт бўлиб ишлаш, гуруҳларда ишлаш, 
изланишга асосланган лойиҳалар, ролли ўйинлар, ҳужжатлар 
билан ишлаш, ахборот манбалари билан ишлаш, ижодий 
ишлардан фойдаланиш мумкин. 
 
460 - САВОЛ: 
ИНТЕРФАОЛЛИК ДЕГАНДА НИМАНИ 
ТУШУНАСИЗ? 
ЖАВОБ: Интерфаоллик – у ўзаро фаоллик, ҳаракат, 
таъсирчанлик, таълим олувчи ва таълим берувчи мулоқотларида 
содир бўлади. 
Интерфаол усулнинг бош мақсади ўқув жараёни учун энг 
қулай вазият яратиш орқали таълим олувчининг фаол, эркин фикр 
юритишига муҳит яратишдир. У ўзининг интеллектуал сало-
ҳиятини, имкониятларини намоён этади ва ўқув сифати ва 
самарадорлигини оширади, таъмин этади. 
Интерфаоллик асосида ўтган дарс шундай кечадики, бундай 
жараёнда бирорта ҳам таълим олувчи четда қолмайди, яъни ҳар 
кўрган, ўйлаган, билган фикрларини очиқ-ойдин билдириш 
имкониятига эга бўлади. 
КЎРСАТМА: Интерфаоллик орқали таълим олувчилар мавзу 
мазмунини билиш, ўзлаштиришда ўзларининг шахсий ҳиссасини 
қўшиш имкониятига эга бўлади. Ўзаро билимлар, фикрлар, 
ғояларни алмашиш жараёни содир бўлади. Бундай ҳолларда ўзаро 
самимийликни таъминлашни, яъни билимларни олишни, 
ўзлаштиришга ҳавас уйғотишни ўйлаб фаолият юритиш керак ва 
бунда таълим олувчиларнинг бир-бирини қўллаб-қувватлашга, 
ўзаро дўстона муносабатларни вужудга келтиришга ҳаракат 
қилишлар тарбияда муҳим аҳамиятга эга. 

---

319