Ўзбекистон республикаси бош прокуратура академияси коррупцияга қарши курашиш илмий-таълим маркази

§ 2.2. Прокуратура органлари Касб одобномаси талаблари

Касб одобномаси – Ўзбекистон Республикаси прокуратура, Бош прокуратура хузуридаги 

Иктисодий жиноятларга қарши курашиш департаменти, Мажбурий ижро бюроси ҳамда 
Агросаноат мажмуи ва озик-овқат хавфсизлиги таъминланиши устидан назорат қилиш 
инспекцияси органлари ходимларининг хизмат давомида ва хизматдан ташқари вақтда юриш-
туриш қоидаларини белгилайдиган асосий талаблар мажмуидир. Ўзбекистон Республикаси 
прокуратура органлари ходимларининг Касб одобномаси Ўзбекистон Республикаси Бош 
прокурорининг 2018 йил 19 декабрдаги 208-сонли буйруғи билан тасдиқланган. 
Касб одобномаси ходимларнинг Ўзбекистон Республикаси Конституцияси, қонунлари ва 
бошқа норматив-ҳуқуқий хужжатлари, Бош прокурорнинг буйрук, кўрсатма ва топшириқларига 
катъий риоя этишлари ҳамда хизмат вазифаларини ҳалол, виждонан, юқори масъулият ва 
ташаббускорлик билан бажаришларини таъминлаш, уларда юксак маънавий-ахлоқий фазилатлар, 
ватанпарварлик ва хизмат бурчига садоқат ҳиссини шакллантириш, улар томонидан ножуя хатти-
ҳаракатлар содир этилишининг олдини олишга йуналтарилган. 
Касб одобномасининг асосий мақсади прокуратура органлари ходимлари томонидан 
Ўзбекистон Республикаси Конституцияси ва қонун ҳужжатларига сўзсиз риоя этилишини, хизмат 
вазифаларининг ҳалол ва виждонан, масъулият ва ташаббускорлик билан бажарилишини 
таъминлашдан ҳамда уларни юксак маънавий ва ахлоқий фазилатларга, ватанпарварлик ва хизмат 
бурчига садоқат руҳида тарбиялашдан иборат. 
Касб одобномасига риоя этиш прокуратура органлари ходимлари хизмат фаолиятини 
баҳолашнинг асосий мезонларидан бири ҳисобланади. 
Касб одобномаси етти қисмдан иборат: 
I.Умумий қоидалар,
II. Ходимлар фаолиятининг асосий принциплари ва хулқ-атворининг умумий 
қоидалари,
III. Ходимларнинг мажбуриятлари,