Uslubiy majmua. Toshkent: tdtu, 202, 202 bet

10-mavzu: Mashinalarning detal, agregat va yuritmalar tizimidagi
jarayonlarni modellashtirish (6 soat)
Reja:
10.1. Avtomatlashtirilgan loyihalash tizimi yordamida turli jarayonlarni
matematik modellashtirish usullari.
10.2. Modellashtirishning graflar nazariyasiga asoslangan usuli.
10.3. Modellashtirishning ayrim funksional chekli elementlar usuli.
10.4. Mexanik va gidromexanik uzatmalarning ixtiyoriy sxemasini formal
yoritilishi.
10.5. Gidravlik yuritmalarning ixtiyoriy sxemasini formal yoritilishi.
Tayanch so‘z va iboralar: modellashtirish, matematik modellashtirish, jarayon,
elementlar usuli, sxema, formallashtirish, mexanik, gidromexanik, gidravlik
yuritmalar.
Zamonaviy texnik qurilmalarni va mashinalarni modellashtirish ALTning
bir qismi bo‘lib, uning yordamida ayrim sinfga tegishli bo‘lgan tizimlarning
strukturalarini formal ravishda o‘rganish mumkin.
Tizimlar va ularning strukturalarini hisobi va loyihalashning
avtomatlashtirilgan usullariga bag‘ishlangan adabiyotlarning tahlili, formal model
qurishda quyidagi ikkita yo‘l borligini ko‘rsatdi.
Birinchisining asosida graf nazariyasi yotadi. Matritsa-topologik usullarga
asoslangan, bu nazariya elektron sxemalarni, gidravlik zanjirlarni, mexanizmlarni
tahlil qilishda qo‘llaniladi.