Абдураҳим ортиқов саноат иқтисодёти

Моддий баланснинг тахминий чизмаси 
Ресурслар 
Ресурсларнинг тақсимоти 
1. Режалаштириш даври бошига қолдиқ. 
2. Ишлаб чиқариш ҳажми 
3. Импорт 
4. 
4. Давлат захираларидан келиб тушуши 
5. Бошқа келиб тушишлар 
1. Ишлаб чикариш — эксплуатация истеъмоли 
2. Капитал қурилиш эҳтиёжлари 
3. Бозор фондлари 
4. Экспорт 
5. Давлат ресурсларини тулдириш 
6. 6. Режалаштирилаётган давр охирига 
махсулот қолдиғи 
ЖАМИ 
ЖАМИ 
5-чизма. Моддий баланснинг тахминий чизмаси 
Балансларнинг яна бир энг мухим тури — бу мехнат балансларидир. 
Бундай балансларда мавжуд меҳнат ресурслари ва улардан фойдаланиш 
йўналишлари акс эттирилади. Мехнат балансларига мехнат ресурсларининг 
йиғма баланси, тармоклар ва ҳудудлар бўйича ишчи кучи баланси ва ҳ.к.лар 
киритилади. 
Корхона (фирма)ларда ишлаб чиқариш куввати баланси тузилиб, унда 
корхонанинг 
ишлаб 
чиқариш 
имконияти, 
унинг 
таркибидаги 
номутаносибликлар мавжудлиги, ишлаб чиқариш қувватини кенгайтириш учун 
зарур бўлган капитал қўйилмалар аникланади. 

---

Режани техник-иқтисодий жиҳатдан асослаишинг энг мухим асосларидан 
бири — бу, норматив усулдир. Режалаштириш жараёнида иктисодий 
нормативларнинг роли бекиёс. Улар ёрдамида режалаштирилаётган давр 
шароитларини (маҳсулот бериш топшириқлари, нарх, фойдадан бюджетга 
ажратма, иш хаки фондларини ташкил этиш нормативларини) олдиндан билган 
ҳолда корхоналар жамоалари ишлаб чиқаришни ўстиришнинг юксакроқ 
суръатларини, унинг самарадорлигини анча оширишни таъминлайдиган 
режаларни ижодий тарзда, барча имкониятларни ошкора қилишдан чўчимасдан 
туза оладилар. 
Норматив усулнинг мохияти шундан иборатки, унда режа кўрсаткичлари 
режали норма асосида аникланади. Бу усул ёрдами билан ишлаб чикаришдаги 
илгор тажрибаларни умумлаштиришнинг барча бўғинларидаги баланслари 
(маҳсулот ишлаб чиқариш ва реализакия қилиш, ишчи кучи, моддий ва 
молиявий баланслари)дан кенг фойдаланишни назарда тутади. 
Режалаштиришда норма ва нормативларнинг уч гурухи: иктисодий, 
ижтимоий ва технологик гурухларидан фойдаланилади. 
Иқтисодий нормативлар ресурслардан фойдаланиш самарадорлигини энг 
паст мумкин бўлган микдорини ифодалайди. Масалан, режалаштириш ва 
башоратлашда капитал маблағлардан фойдаланишнинг норматив коэффициенти 
(Ен) кўрсаткичидан кенг фойдаланилади. Фараз килайлик, режалаштиришда 
унинг микдори Ен = 0,15 кесимида белгиланади. Бу миллий иқтисод ривожига 
сарфланган маблағларнинг ҳар бир сўми 15 тийин билан қайтиши керак. 
Шундай бўлса, сарфланган капитал маблағ тахминан 7 йилда ўзини тўла 
қоплайди. Агарда у ҳар йили 15 тийиндан кам тежам келтирса, капитал 
қўйилмалар (инвестициялар)дан самарасиз фойдаланилганлиги англашилади. 
Ижтимоий нормативлар жамият ва унинг аъзолари эҳтиёжлари муайян 
даврга кондирилишининг мумкин бўлган даражасини, инсоннинг теварак-
атрофдаги мухит билан ўзаро алоқаси характерини белгилайди. Айрим 

---

махсулот турларининг бир киши томонидан истеъмол килиниши нормаси 
ижтимоий нормативлар намунасидир. Масалан, бир кишининг бир йилда оёқ 
кийимига бўлган истеъмол нормаси 3,3 жуфт ҳажмида белгиланган. 
Технологик 
нормативлар 
чиқарилаётган 
маҳсулот 
бирлигига 
ресурсларининг солиштирма сарфи микдорини ифодалайди. Масалан, 1кВт соат 
электроэнергия ишлаб чикаришга сарфланаётган ёнилғи нормаси, хом пахтадан 
пахта толасини чиқариш нормаси.