Кичик гуруҳ (3-4 ёш)

Нутқнинг грамматик тузилишини шакллантириш. Болаларда ўз нутқи ва бошқалар 
нутқига нисбатан танқидий муносабатни тарбиялаш, уларни тўғри гапиришга ўргатиш, 
гапирганда сўзларни бир-бирига боғлаб, жумлалар тузиш малакасини мустаҳкамлаш. От, 
сифат, феълларнинг мураккаб грамматик шаклларидан фойдаланишни машқ қилдириш. 
Жониворлар, нарсалар, идиш- товоқларнинг, касблар бўйича шахсларнинг номларини топиб
айтишга ўргатиш. 
Ўз нутқида уюшиқ бўлакли, содда, ёйиқ ва қўшма гапларнинг турли хилларидан 
фойдаланиш малакасини мустаҳкамлаш, (боғланган қўшма гап, эргашган қўшма гап. 
Масалан: Лола келди ва биз ўйнадик. Ёмғир ёғди, шунинг учун биз саёҳатга бора олмадик. 
Бунда кўмакчи ва боғловчи сўзлардан фойдаланишга ўргатиш). Болаларни равишдан 
фойдаланишга ўргатиш (тез юрди, секин гапирди); сўз ясаш малакаларини мустахкамлаш 
(Ўқит-ўқитувчи, балиқ-балиқчи, балиқлар ва бошқалар). 
Бир фикрни турли воситалар билан
баён қилишга ўргатиш. Раъно касал. Раъно бетоб. 
Раънонинг боши оғрияпти. Раънонинг мазаси қочиб қолди. 
Болаларни бир-бирининг ўрнини, босадиган гапларни тузишга ўргатиш. Масалан: Биз 
саёҳатга бормаймиз, чунки ёмғир ёға бошлади. Ёмғир ёға бошлагани учун биз саёҳатга 
бормаймиз. 
Болаларга тўғри грамматик шаклларни машқ қилдиришда кўпроқ оғзаки машқ ва 
ўйинлардан фойдаланиш. Масалан: “Айт-чи қандай?” оғзаки ўйини: Қор қандай? Оппоқ, 
муздай, совуқ, майда”; Гул қандай? Чиройли, қизил, хушбўй. 
Болаларни гапирганда сонни отга (стол устида бешта нок ва еттита олма бор), 
сифатни отга (чиройли кўйлак, қизил олма), сифатни феълга (қўшиқни ёқимли куйлайди, 
расмни чиройли чизади), тўғри боғлаш; ҳайвонларнинг болаларини билдирувчи отларни 
кўплик сонида (тойчоқлар, қўзичоқлар, бузоқчалар) тўғри ишлатиш малакаларини 
такомиллаштириш. Болаларни турли усуллар билан янги сўзлар ясаш (гул-гулдон, гулзор, 
гулчи, Гулнора, қанд-қанддон, сув-сувдон, сувчи ва бошқалар)га, нутқда сифатдошлардан 
(ўқиётган бола, ўйнаётган капалак) фойдаланишга ўргатиш.