Кичик гуруҳ (3-4 ёш)

Қуриш-ясаш. Болаларга қурилма-конструкцияларнинг амалда қўлланиши ҳақида 
маълумот бериб, уларни ясашда амалий жиҳатларини ҳам назарда тутиш лозимлигини 
тушунтириш (кўприк, гараж). Конструкцияларнинг асосий қисмларини ажратиб кўрсатиш. 
Тарбиячи билан бирга қуриш-ясаш ишлари, унинг асосий жиҳатлари, амалий вазифалари, 
бунда мустақил ишларнинг режалаштирилиши кабиларни таҳлил қилиш. Қоғоздан, табиий 
ва чиқинди материаллардан конструкция ишларини бажариш. 
Болаларнинг қоғозни тенг қисмга буклаш, қути ва гараж ясашда тўртбурчак варақни 16 
та тенг бўлакка бўлишга оид малакаларини мустаҳкамлаш. 
Табиий материаллардан эҳтиёткорлик билан мақсадга мувофиқ фойдаланиш, 
болаларнинг ижодий тасаввурлари ва бадиий дидларини ривожлантириш, уларда 
батартибликни тарбиялаш. 
Болаларга тайёр шакллардан конструкциялар ясашни ўргатиш (гугурт қутисидан 
нарсалар ясаш (мебель, транспорт). 
Табиий материаллардан оддий, лекин ифодали фигуралар ясашга ўргатиш (бўталоқ, 
балиқча). 
Фигурани тагликка мустаҳкамлаб, деталларни маҳкам елимлашни ўргатиш. 

---

95 
Болаларга қурилишни чизма, расм, фотографиядаги намунага қараб қуришни, зарур 
қурилиш материалларини мустақил танлаб олишни ўргатиш. 
Мўлжал ва режа асосида жамоавий қурилишлар солишни, бамаслаҳат ишлашни, ягона 
режага кўра ўз қурилишини жамоа қурилиши билан бирлаштиришни ўргатиш. Жамоа билан 
амалга оширилган қурилишларда қизиқарли ўйинлар уюштириш (ҳайвонот боғи, болалар 
мактабгача таълим муассасаси).
Болаларни конструкциянинг амалий вазифаларини билиш ва қуриш-ясаш ишларида 
буни ҳисобга олишга ўргатиш (кўприк, гараж). 
Болаларни янги деталлар ва уларнинг хусусиятлари билан таништириш: турли шакл ва 
ҳажмдаги ёғоч тахта (узун-қисқа, тўртбурчак, учбурчак), чорқирра ёғоч (брус) ва 
цилиндрлар. 
Қоғоз, табиий ва чиқинди маҳсулотлардан конструкциялар ҳосил қилиш. 
Поролон(енгил эластик) мато хусусиятлари билан таништириш, ундан оддий ўйинчоқлар 
тайёрлашни ўргатиш (жўжа, қўшоёқ ). 
Чизма , расм, суратларга қараб қуриш ишларини бажариш, зарур қурилиш 
маҳсулотларини мустақил равишда танлаб олиш.