Bolalar kasalliklari propedevtikasi

Abu  Ali  Ibn  Sino  (980-1037)  -  Sharqning  buyuk  ensiklopedist  olimi  bo‗lib, 
Ovropada Avitsenna nomi bilan mashhur bo‗lgan. U Buxoro shahriga yaqin Afshona 
qishlog‗ida  Buxoro  amirligida  boj  yig‗uvchi  amaldor  oilasida  dunyog‗a_  keladi. 
Zehni o‗tkir, xotirasi nodir, takrorlanmas zo‗r iste‘dodli Ibn Sino yoshlik chog‗idayoq 
dunyoviy ilmlarni qunt bilan chuqur o‗rgana boshlaydi. U 16-17 yoshlarida mashxur 
hakim bo‗lib taniladi. Xatto o‗sha zamon fozil tabiblari ham Ibn Sino oldiga kelib tib 
ilmini undan o‗rgana boshlaydilar.Ibn Sino qadimiy va o‗rta asr boshlanish davridagi 
Sharq  va  Yunon  alloma  mo‗tafakkirlarini  asarlarini  o‗rganibgina  qolmay,  ularni 

---

 
11 
tartibga  solib,  o‗zining  tajribalariga  asoslangan  holda  qayta  to‗ldirib  chiqkan.  Ibn 
Sino  asarlari  fanning  turli  sohalariga,  jumladan  faylasuflik,  tabiatshunoslik,  tabobat, 
astronomiya, matematika va boshqa ilmlarga bag‗ishlangan. Ammo Ibn Sino tibbiyot 
ilmiga  alohida  ahamiyat  bergan  va  o‗z  kasbini  asosan  tabiblik  deb  bilgan.  Tabobat 
sohasida  ibn  Sinoning  asosiy  o‗lkan  «Kitob  al  qonun  fit-  tib»  (tib  qonunlari)  asari 
besh kitobdan iborat bo‗lib, tabobat ilmining turli sohalarini o‗z ichiga qamrab olgan. 
Tib  qonunlarida  turli  holdagi  kasalliklarni  tashxisi,  davolash  va  parvarish  etish 
choralari  bilan  bir  qatorda  o‗simlik,  xayvonot  mahsulotlari  va  minerallardan 
tayyorlanadigan dorivorlarning shifobaxshligi, o‗z tarjibalariga asoslangan holda har 
tomonlama  keng  yoritilgan.  Ibn  Sino  o‗sha  davrdayoq  bola  organizmini  kattalar 
organizmidan  faqat  hajm  jihatdan  emas,  balki  o‗z  xususiyatlari  bilan  farq  qiliщini 
ta‘kidlagan holda, bola tarbiyasi va uni parvarish etish, bolalarda uchraydigan ba‘zi 
kasalliklarni o‗ziga xos kechishi va ularni aniqlash va davolash yo‗llari to‗g‗risida o‗z 
ahamiyatini haligacha yo‗qotmagan bilimlarini o‗zining tib qonunlari kitobida yozib 
qoldirgan  bo‗lib,  pediatriya  fanining  rivojiga  munosib  hissasini  qo‗shgan.  Ibn  Sino 
bola  tarbiyasi  va  uni  parvarish  etish,  ona  sutining  afzalliklari  bolalarda  uchraydigan 
ba‘zi kasalliklarni aniqlash va davolash yo‗llari to‗g‗risida o‗z ahamiyatini xaligacha 
yo‗qotmagan asarlar yozib koldirgan bo‗lib, pediatriya fanining rivojiga o‗z xissasini 
qo‗shgan. Roziy va  Ibn Sino zamonasida va undan keyingi davrlarda xizmat qilgan 
nufuzli  tabiblar  bolalarda  kuzatilgan  ba‘zi  kasalliklar  tashxisi  va  uni  davolash 
masalalari  to‗g‗risida  o‗z  asarlarida  ko‗rsatib  o‗tishgan.  Jumladan  Nurbaxshiy 
Baxouddavla  Sharq  tabiblaridan  birinchi  bo‗lib  bolalarda  uchraydigan  kuk  yo‗tal 
kasalligi  haqida  ma‘lumot  bergan  va  uni  davolagan.  Xirotda  tug‗ilib,  Buxoroda 
tabiblik  qilgan  Solix  ibn  Muhammad  qondaxoriy  o‗zining  «Tuxvat  al-shoista» 
(Muvofiq  sovga)  va  «Tuxvat  al-ma‘sumiy»  («Gunoxsizlarga  sovga»  asarlarida  bola 
organizmining  o‗ziga  xos  xususiyatlarga  ega  ekanligi  va  shu  sababli  tashqi  omillar 
ta‘siriga juda sezgir bo‗lishi to‗g‗risida juda ker aqli, mufassal ko‗rgazmalar bergan. 
A.A. Kodirov (1994) fikricha Solix ibn Muhammad qondaxoriyni o‗zbek tabiblaridan 
chiqkan birinchi pediatr deb hisoblash mumkin.Xorazmlik olim va tabib Jafar Xo‗ja 
Xazaraspiyning tibga oid asosiy kitobi «Tib bilimlari to‗plami» deb atalgan kitobida 
ba‘zi yuqumli kasalliklar, jumladan qizamiq haqida ma‘lumot berilgan. 
Bolalar  tabobatida  XVI  asrgacha  Gippoqrat,  Galen,  Sels,  Soran  hamda  Roziy 
va  Ibn  Sinolar  asarlari  asosiy  qo‗llanma  bo‗lib  qolib,  boshqa  bironta  yangilik 
kiritilmagan. Bolalar sog‗lig‗ini saqlash ishlari bilan shug‗ullanish bo‗lmagan, ularni 
davolash  kattalarni  davolash  usulida  bo‗lgan.  Shu  sababli  bolalar  ichida  o‗lim  juda 
yuqori bo‗lgan. Bu holat bolalar sog‗lig‗ini saqlash, ularni davolash ishlariga qiziqish 
uygotgan  va  natijada  sekin  asta  bolalarni  parvarishi,  tarbiyasi  va  davolashga 
bag‗ishlangan  risola-kitoblar  nashr  etila  boshlangan.  Roziy  va  Ibn  Sino  zamonasida 
va undan keyingi davrlarda ilmu- fan va tabobat bilan shug‗ulangan nufuzli tabiblar, 
jumladan Abu Saxl Mosixiy, Arab Ismoil Jo‗rjoniy, Muhammad Xusain Nurbaxshiy 
Baxouddavla,  Solix  Ibn  Muhammad  Qondaxoriy,  Jafar  Xo‗ja  Xozoraspiy  va 
boshqalar bolalar tabobati bo‗yicha o‗zlari kuzatgan tajribalarga suyangan holda ker 
aqli  ma‘lumotlar  berib  qoldirishgan.  Bolalar  tabobatida  XVI  asrgacha  Gippoqrat, 
Galen,  Sels,  Soran,  hamda  Roziy  va  Ibn  Sinolar  asarlari  asosiy  qo‗llanma  bo‗lib 
qolib,  boshqa  bironta  yangilik  kiritilmagan.  Bolalar  sog‗lig‗ini  saqlash  ishlari  bilan 

---

 
12 
shug‗ullanish bo‗lmagan, ularni davolash kattalarni davolash prinsipida bo‗lgan. Shu 
sababli  bolalar  ichida  o‗lim  juda  yuqori  bo‗lgan.  Bu  holat  oldingi  safdagi  adolatlik, 
insonparvar  kishilarni  tashvishga  solib,  ularda  bolalar  sog‗lig‗ini  saqlash  va  ularda 
davolash  ishlariga  qiziqish  uyg‗otgan  va  bu  borada  ker  aqli  tadbirlarni  ko‗rishga 
undagan.  XIX  asrning  oxiri  va  XX  asr  boshlarida  O‗rta  Osiyoda  xalkda,  shu 
jumladan. ona va bolalarga ko‗rsatiladigan tibbiyot yordami juda ayanchli, qoloq bir 
ahvolda  bo‗lgan.  XIX  asrning  ikkinchi  yarmida  Turkistonda  shaxsiy  xayr-ehson 
tariqasida  tashkil  etilgan  8  ta  ona  va  bolalar  ambulatoriyasi,  5  ta  yetimxona  va  2  ta 
yasli  mavjud  bo‗lib,  bular  ham  asosan  shahar  aholisiga  xizmat  qilgan.  Yerli  halq 
asosan  tabib,  azaimxon  va  folbinlarga  mo‗rojaat  etgan.  Ko‗pchilik  bolalar  orasida 
terlama,  o‗lat,  chechak,  roja,  bezgak,  qo‗tirish  kasalliklari  keng  tarqalgan  bo‗lgan. 
Kichik  yoshdagi  bolalar  orasida  o‗limning,  ayniksa  yuqori bo‗lishiga hazm  a‘zolari, 
nafas  yo‗llari  va  leyshmanioz  kasalliklari  sabab  bo‗lgan.  Qizamiq,  bo‗g‗ma, 
skarlatina va ko‗k yo‗tal kasalliklari avj olib tarqalib yil sayin qaytalanib turgan. Har 
ming tug‗ilgan boladan 300-330 tasi bir yoshga yetmay. yarmi esa 4 yoshga yetmay 
nobud  bo‗lgan.  Onalar  va  go‗dak  bolalar  o‗rtasida  o‗limning  juda  yuqori  bo‗lishiga 
tugadigan  ayollarga  tibbiy  yordam  ko‗rsatishning  ayanchli  axvoldaligi  ham  sabab 
bo‗lgan. 1914 yilda 5 million aholisi bo‗lgan Turkistonda hammasi bo‗lib 63 akusher 
ishlab,  tugadigan  ayollarga  69  (koyka)  joy  ajratilgan  holos.  Shu  sababli  ko‗pchilik 
xomilador  ayollar  doya  buvilarga  mo‗rojaat  etgan  va  antisanitar  sharoitda  uyda 
tug‗ishgan.  1920  yilda  Respublikamizda  Turkiston  sog‗liqni  saqlash  xalk 
komissariyati  koshida  onalik  va  bolalikni  muxofaza  qilish  bo‗limi  prof.  S.Sh. 
Shamsiev  boshqargan.  Fakultet,  pediatriya  kafedrasini  1945-1959  yillari  dots.  A.M. 
Maqsudov,  1960-1972  yilgacha  prof.  S.N.  Yuldasheva,  gospital  pediatriya 
kafedrasini  1960  yilgacha  prof.  R.S.  Gershenovich,  1961-1972  yillarda  prof.  L.S. 
Aleksandrovlar boshqarishgan. 1947 yilda Toshkent davlat tibbiyot institutda bolalar 
jarroxligi  kafedrasi  (mudiri  1947-1972  yillarda  prof.  K.X  Tagirov  va  1954  yilda 
bolalar infeksiyasi kafedrasi (mudiri prof. X.A. Yunusova) tashkil etilgan. 1961 yilda 
esa mazkur oliygoxda pediatriya fakultetini kechki bo‗limi ochilgan. Bundan tashqari 
O‗zbekiston  vrachlarni  malaka  oshirish  institutida  bolalar  kasalliklari  kafedrasidan 
tashqari,  1961  yilda  bolalar  tuberqo‗lezi,  1964  yilda  bolalar  yuqumli  kasalliklari, 
1966  yilda  bolalar  nevrologiyasi  kafedralari  tashkil  etilgan.  1955  yilda  O‗zbekiston 
Sog‗liqni  saqlash  vazirligida  Respublika  bosh  pediatri  vazifasi  ta‘sis  etilib,  buni 
boshqargan  mutaxasislar  respublika  va  viloyatlarda  bolalar  sog‗lig‗ini  saqlash 
ishlarini  rivoj  topishiga  mutassil  yordam  berib  borishgan.  1963  yilda  Samarkand  va 
1965 yilda Andijon tibbiyot institutlarida pediatriya fakultetlari ochilgan. Samarkand 
tibbiyot  institutida  bolalar  kasalliklari  propedevtikasi  (mudiri  prof.  A.X.  Hamraev), 
fakultet  pediatriya  (mudiri  prof.  Z.N.  Beknazarova)  va  gospital  pediatriya  (mudiri 
dots.  G.Sh.  Salixbaeva)  kafedralari  tashkil  etilgan.  Andijon  tibbiyot  institutida 
davolash  fakultetining  bolalar  kasalliklar  kafedrasini  prof.  N.N.  Chukanin,  yangi 
tashkil  etilgan  bolalar  kasalliklari  kafedrasini  prof.  K.M  Mirzaevlar  boshqarishgan. 
O‗zbekistan Respublikasining pediatr vrachlarga bo‗lgan extiyojini yanada to‗laroq, 
qondirish  maqsadida  1972  yilda  Toshkent  va  Andijon  tibbiyot  institutlarining 
pediatriya  fakultetlari  tarkibida  O‗rta  Osiyo  meditsina  pediatriya  instituti  ochilgan. 
Bu institut 1988 yil 28 iyundan O‗zbekistan Respublikasi tasarrufiga o‗tib, Toshkent 

---

 
13 
pediatriya  tibbiyot  instituti  deb  atala  boshlagan.  O‗rta  Osiyo  pediatriya  meditsina 
institutida  1972  yilda  quyidagi  bolalar  kasalliklari  kafedrasi:  bolalar  kasalliklari 
propedevtikasi  (mudiri  prof.  F.X.  Nazarmuhamedov),  fakultet  pediatriya  (mudiri 
prof.  S.N.  Yuldasheva),  -1  gospital  pediatriya  (mudiri  prof.  S.Sh.  Shamsiev)  va  2 
gospital pediatriya (mudiri prof. I.A. Bodnya ), I bolalar yuqumli kasalliklari (mudiri 
prof.  O.S.  Maxmudov)  va  2  bolalar  yuqumli  kasalliklari  (mudiri  dots.  D.I, 
Egamberdieva),  bolalar  jarroxligi  (mudiri  prof.  K.X.  Tagirov)  va  boshqa  kafedralar 
tashkil etilgan. 
Samarkand va Andijon tibbiyot institutlarida pediatriya fakultetlarining tashkil 
etilishi,  hamda  O‗rta  Osiyo  meditsina  pediatriya  institutining  ochilishi 
Respublikamizda,  vrach-  pediatrlarni  tayyorlashni  yaxshilab,  rivoj  topishiga,  ilmiy 
pedagogik kadrlarni ko‗payib borishiga olib keldi. 
O‗zbekistonda  bolalar  vrachlarining  1-s‘ezdi  19-21  noyabr  1974  yilda,  2  - 
s‘ezdi  19-22  noyabr  1980  yilda  3-s‘ezdi  1-3  noyabr  1988  yilda  Toshkentda 
o‗tkazilgan.  Bunda  bolalar  sog‗lig‗ini  saqlash  borasida  va  bolalar  o‗rtasida 
kasallanish va o‗lim ko‗rsatkichlarini kamayib borishiga erishish istiqbolimiz mahsuli 
albatta.  O‗zbekistonda  pediatriya  fanini  rivoj  topishida  qator  yirik  olimlar  o‗z 
xissasini qo‗shgan. Pediatriya fanini tiklanish yillarida Turkiston davlat dorilfununini 
tibbiyot  fakultetining  bolalar  kasalliklari  kafedrasi  professorlari  A.I.  Ustinov,  N.I. 
Osipovskiylar  o‗z  shogirdlari  B.M.  Deych,  R.S.  Gershenovich,  V.I.  Lыsenko,  K.G. 
Titov,  A.N.  Ivanov,  L.S.  Aleksandrova,  M.Z.  Lyubetsskaya,  A.M.  Maksudov  va 
boshqalar  bilan  respublikamiz  o‗lkasiga  oid  bolalar  kasalliklarini,  jumladan  bezgak, 
leyshmanioz,  tuberqo‗lez,  me‘da  ichak  kasalliklarini  o‗ziga  xos  kechishini  har 
tomonlama o‗rganilib, bemorlarga ko‗rsatiladigan tibbiy yordamni tashkiliy yo‗llarini 
belgilab berishgan. 
Rafail  Samuilovich  Gershenovich  (1889-1960)  -  O‗zbekistanda  xizmat 
ko‗rsattan fan arbobi, Parij _pediatrlar jamoasi muxbir a‘zosi, professor, 1930 yildan 
umrining  oxirigacha  Toshkent  tibbiyot  institutining  bolalar  kasalliklari  kafedrasini 
boshqargan. R.S. Gershenovich O‗zbekistonda onalik va bolalikni sog‗lig‗ini saqlash 
taщkilotchilaridan  biri  bo‗lgan  holda,  o‗z  faoliyatini  o‗lkaga  xos  bolalar 
kasalliklarining  dolzarb  masalalariga  qaratgan.  U  5  monografiya,  jumladan 
«Bolalarda  leyshmanioz  kasalligi»,  «Bolalarda  qorin  tifi»,  Bolalarda  issiq  o‗lka 
kasalliklari,  hamda  240  dan  ortiq  ilmiy  asar  muallifi  bo‗lgan.  Bu  asarlar  O‗rta 
Osiyoda muhim masala bo‗lgan bolalarda o‗tkir va davomli me‘da ichak, qorin tifi, 
dizenteriya,  kasalliklari  hamda  pnevmaniya,  tuberkulyoz,  pellagra  xastaliklari  har 
tomonlama  yoritilgan.  Uning  rahbarligida  2  fan  doqtori  va  30  ta  fan  nomzodlari 
tayyorlagan.  Konstantin  Gerasimovich  Titov  (1898-1970)  O‗zbekistonda  xizmat 
ko‗rsatgan  fan  arbobi,  professor,  1940-1968  yillarda  Toshkent  tibbiyot  institutining 
davolash  fakultetining  bolalar  kasalliklari  kafedrasini  mudiri  bo‗lib  ishlagan.  Uning 
ilmiy izlanishlari asosan bolalar gematologiyasiga qaratilgan bo‗lib, bunda retikulez, 
leykoz  kasalliklari,  chuqur  va  har  tomonlama  o‗rganilgan.  U  55  ilmiy  asar  va  7 
monografiya  muallifi  bo‗lib,  bular  jumlasiga  «Bolalarda  leykoz  kasalligi», 
«Bolalarda  har  xil  kasalliklarda  va  eksperimentda  suyak  ko‗migini  retikulo-
endoteliyasini tekshirishning nazariy va amaliy ahamiyati»  monografiyalari kiradi.U 
1 ta fan doktori va 6 ta fan nomzodlarini tayyorlagan. 

---

 
14 
Aziz  Maqsudovich  Maqsudov  (1907-1959),  dotsent,  1945  yildan  umrining 
oxirigacha  Toshkent  tibbiyot  instituti,  fakultet  pediatriya  kafedrasining  mudiri 
vazifasini  bajargan  va  shu  bilan  birga  1947-1948  yillari  Respublika  bosh  pediatri 
bo‗lib jamoatchilik asosida ishlagan. Uning ilmiy izlanishlari bolalarda me‘da ichak, 
leyshmanioz,  pellagra,  gemotrop  toksikoz  kasalliklarini  har  tomonlama  o‗rganishga 
bag‗ishlagan. A.M. Maqsudov chuqur bilimli vrach, yuqori eruditsiyali pedagog, faol 
jamoatchi.  sog‗liqni  saqlash  a‘lochisi  bo‗lgan  va  Respublika  faxriy  yorliklari  bilan 
mukofotlangan. 
B.  Karaxodjaevning  shogirdi  professor  Abdulla  Hamraevich  Hamraev  (1935-
1992),  1973  yildan  umrining  oxirigacha  mazkur  oliygohda  bolalar  kasalliklari 
kafedrasi  mudiri  bo‗lib  ishlab,  o‗z  navbatida  4  ta  fan  doqtori,  13  ta  fan  nomzodi 
tayyorlagan, 112 ilmiy asar muallifi bo‗lgan. 
Saifitdin  Shamsievich  Shamsiev  (1914-1995)  sobiq  ittifoq  tibbiyot  fanlar 
akademiyasining  muxbir  a‘zosi,  O‗zbekistonda  xizmat  ko‗rsatgan  fan  arbobi, 
professor,  1951-1989  yillar  davomida  Toshkent  tibbiyot  va  Toshkent  pediatriya 
tibbiyot oliygohlarida bolalar kasalliklari propedevtikasi kafedralarini boshqargan. U 
o‗zining bo‗tun faoliyatini respublikamizda pediatriya fanining rivojlanishiga, bolalar 
sog‗lig‗ini  saqlash  tashkiliy  ishlariga,  tibbiy  xodim  va  ilmiy  pedagogik  kadrlar 
yetishtirishga sarf etib, bu borada beqiyos unumli xizmat qilgan. S.Sh. Shamsiev o‗z 
shogirdlari  bilan  Respublikamizda  bolalar  kasalliklarining  eng  dolzarb  masalalari, 
jumladan,  bolalar  me‘da  ichak,  nafas  olish,  yurak  qon  tomir  tizimlari  kasalliklarini 
har  tomonlama  chuqur  o‗rganib,  ularni  patogenetik  davolash  yo‗llari  bilan 
shug‗ullangan.  U  150  dan  ortiq  ilmiy  asarlarning  muallifi  bo‗lgan.  S.Sh.  Shamsiev 
qalamiga  mansub  «Bolalarda  surunkali  enterokolit»,  «Bolalar  klinik  elektr 
oqardiografiyasi», 
«Bolalarda 
o‗tkir 
pnevmoniya», 
«Bolalar 
klinik 
fonoqardiografiyasi 
asoslari», 
«Uchastka 
pediatrlari 
uchun 
qo‗llanma» 
monografiyalari  va  boshqa  bir  qancha  yirik  asarlar  pediatr  vrachlarning  zarur 
kundalik  qo‗llanmasiga  aylangan.  Uning  raxbarligida  10  ta  fan  doqtori  va  40  dan 
ziyod  fan  nomzodlari  yetishib  chiqkan  bo‗lib,  hozirda  ular  Respublikamiz  tibbiyot 
oliygoxlari, sog‗liqni saqlash muassasalarida faoliyat ko‗rsatmoqdalar. Bular qatorida 
professorlardan  A.T.  Oqilov,  X.N.  Fayziev,  A.T.  Sultonov,  A.T.  Turaev,  A.A.  Kim 
va  boshqalarni  sanab  o‗tish  joizdir.  S.Sh.  Shamsiev  xurmat  belgisi  ordeni,  ko‗plab 
medallar bilan mukofotlangan.