Bolalar kasalliklari propedevtikasi

 
 
 
 
 
 
 
 
 
 
 
 
 
 
Mazkur darslik Uzbekiston Respublikasi Soglikni saklash   Vazirligining Tibbiy 
ta’limni  rivojlantirish  markazi  Muvofiklashtiruvchi  kengashida  muxokama 
kilindi, tasdiklandi.    2017 yil 28 iyun № 434 – 222   bayonnoma 
 
 
 
 
 
 
 
 
 
 
 
 
 
 

---

 
4 
KIRISh 
Bolalar  kasalliklari  propedevtikasi  (BKP)  fani  pediatriya  fakulteti  3-  kurs 
talabalari uchun boshlang‗ich klinik fan hisoblanadi. BKP fani asosan turli yoshdagi 
bolalarning  a‘zo  va  tizimlarini  anatomo-fiziologik  hususiyatlari,  tekshirish  usullari, 
zararlanishlari  semiotikasini  o‗rgatadi.  Fanni  o‗zlashtirishda  normal  va  patologik 
anatomiya, fiziologiya, biologiya, tibbiyot genetikasi, bioximiya, fizika kafedralarida 
orttirilgan  bilim  va  ko‗nikmalari  yordam  beradi.  Talabalar  o‗quv  yili  mobaynida 
bolani umumiy parvarishini, bola organizmining anatomo-fiziologik xususiyatlaridan 
kelib chiqqan holda uning jismoniy, ruxiy va jinsiy rivojlanishini baholab, sog‗lom va 
bemor  bolani  tekshirish  uslublari,  turli  yoshdagi  bolalarni  ratsional  to‗g‗ri 
ovqatlantirish,  shuningdek  a‘zolar  va  tizimlarning  asosiy  jarohatlanish  semiotikasi 
bo‗yicha ko‗nikmalar hosil qiladilar. 
Pediatriya  -  yunoncha  "pais"  -  bola,  "iatreia"  -  davolash  so‗zlaridan  olingan 
bo‗lib,  so‗zma-so‗z  tarjimasi  "bolani  davolash"  degan  ma‘noni  bildiradi,  bolaning 
rivojlanish qonuniyatlarini, kasallik kelib chiqishi sabablari, davolash va kasallikning 
oldini  olishni  o‗rgatadi.  Aslida  pediatriyaning  vazifasi  juda  keng,  muhim  va  ko‗p 
qirralidir.  Pediatriya  fani  bolalik  davrlarida,  ya‘ni  bolaning  xomilalik  davridan  toqi 
balogatga  yetguncha,  uning  sog‗lom  o‗sish,  rivojlanish  va  takomillashish 
qonuniyatlarini,  kasalliklarda  esa,  uning  kelib  chiqish  sabablariga  suyangan  holda 
aniqlash,  davolash  va  oldini  olish  omillarini  o‗rganadi.  Shu  sababli  bolalar  vrachi 
ixtisosligi  bir  tomondan  o‗zining  yuqori  darajadagi  insoniyligi  bilan  ajralib  tursa, 
ikkinchi  tomondan  bu  kasbni  tanlagan  shifoqorga  katta  ma‘suliyat  yuklaydi. 
Kattalarda  ko‗pgina  kasallik  bolalik  davrlaridan  boshlanadi.  Shuning  uchun 
bolalikdagi  rivojlanish  sharoiti,  tarbiya  qanday  bo‗lsa,  katta  yoshdagi  sog‗lig‗i 
o‗shanday bo‗ladi. Pediatriyadan dars tibbiyot oliygohining pediatriya fakultetini III 
kursi  "Bolalar  kasalliklari  propedevtikasi"  fanidan  boshlanadi.  Bolalar  kasalliklari 
propedevtikasi  kafedrasi  talabalarni  ixtisos  bo‗yicha  tayyorlovchi  birinchi  kafedra 
hisoblanadi.  Bolalar  kasalliklari  propedevtikasi  kursi  pediatriyaning  kirish  qismi, 
muqaddimasi  hisoblanadi.  O‗zbek  tilida  nashrdan  chiqarilgan  ushbu  -  bolalar 
kasalliklari  propedevtikasi  bo‗yicha  darslik  tibbiyot  oliygohlarida  pediatriya 
fakultetlarining  bu  fan  bo‗yicha  yangi  o‗quv  dasturiga  muvofiq  ravishda, 
talabalarning  mazkur  soha  bo‗yicha  o‗zlashtirishi  lozim  bo‗lgan  nazariy  bilim  va 
amaliy  mahoratlar  hajmini  qamrab  olingan  holda  yaratildi.  Darslikda  bola 
organizminiig  anatomik  va  fiziologik  holatlarini,  jismoniy  va  ruhiy  rivojlanishi, 
ularni  tekshirish  uslullari  va  kasallik  simptom  va  sindromlari,  hamda  bolalarning 
ovqatlantirish  bo‗yicha  barcha  zarur  ma‘lumotlarnn  keltirishda  Jaxon  Sog‗likni 
Saqlash  tashkilotining    takliflarini  nazarda  tutgan  holda  yangi  zamonaviy  nuqtai 
nazarda ifodalashga harakat qilindi. Pediatriya-bolani o‗sish va rivojlanish davrlarini 
o‗rganadi,  har  qaysi  yoshlik  davrida  bolani  o‗ziga  xos  yashashi,  morfologiyasi, 
fiziologiyasi  va  psixologiyasi  sifatini  bilish  muhim  rol  o‗ynaydi.  Shuning  uchun 
bolalar  klinik  anatomiyasini  bilish  ularning  o‗ziga  xos  tekshirish  usullari  va  olingan 
natijalarni  baholashda  muhim  ahamiyatga  ega.  Bundan  tashqari  asosiy  anatomo-
fiziologik  xususiyatlarini  hisobga  olgan  holda  qonkret  yashash  muhit  va  kun  tartibi 
tashkil  qilishga  undaydi.  Pediatr  doimo  bola  va  ota-ona  bilan  muloqatda  bo‗ladi. 
Bolalar shifoqori yaxshi psiholog va pedagog bo‗lishi kerak. U ota-ona va patsientda 

---

 
5 
yaxshi avtoritet qozonishiga olib keladi, bolani tezroq sog‗ayishini ta‘minlaydi. Bola 
organizmi  nozik,  kasallikka  beriluvchan  bo‗lib,  parvarish  qoidalari  buzilganda  bola 
tezda og‗riydi. Bola injiq, yig‗lashi shifoqorning ko‗rishiga xalaqit qiladi. Shunda ham 
shifoqor to‗liq ko‗rib, to‗g‗ri tashxis ko‗yish kerak. Shuning uchun bugundan boshlab 
o‗zingiz  ustingizda  qattiq  ishlashingiz,  barcha  ma‘ruza,  amaliy  mashg‗ulotlarga 
qatnashingiz,  pediatriya  bo‗yicha  barcha  adabiyotlar,  internet  materiallari, 
yangiliklarni  vaqtida  o‗qib  bilim  saviyangizni  oshirishingiz  kerak.  Shundagina  siz 
yaxshi  bolalar  shifokori  bo‗lib  yetishasiz.  Bola  organizmi  kattalar  organizmidan 
o‗ziga xos anatomo-fiziologik xususiyatlari bilan farq qiladi. Shuning uchun siz, bola 
organizmining  barcha  xususiyatlarini  va  pediatriya  sirlarini  o‗rganishingiz  kerak. 
Bolalar  kasalliklari  propedevtikasi  pediatriyani  boshlanish  qismi  hisoblanadi. 
Bolalalar  kasalliklari  propedevtikasi  quyidagilarni  o‗rgatadi.  Bolalar  kasalliklari 
propedevtikasi  kursi  fanidagi  bo‗limlarni  o‗z  ichiga  oladi:  1)  Bola  organizmini 
anatomik  va  fiziologik  xususiyatlari,  jismoniy  va  asab-ruxiy  rivojlanish 
qonuniyatlari;  2)  Bolani  ob‘ektiv  tekshirib,  o‗ziga  xos  bo‗lgan  anamnez  yig‗ish 
usullari;  3)  Bolalar  kasalliklarnni  asosiy  semiotikasi;  4)  Sog‗lom  bolalarni 
ovqatlantirish qoidalari va bolalar ovqatini asosiylarini tayyorlash usullari, taomnoma 
tuzishni  o‗rgatadi.  Bulardan  tashqari  bolalar  kasalliklari  propedevtikasi  kursi 
vazifasiga bolalarni parvarish etish uslublari, hamda tibbiyot hamshirasi bajaradigan 
tibbiy  muolajalarni  mustaqil  egallab  olishni  ta‘minlash  vazifasi  ham  kiradi.  Vrach-
pediatr  mana  shu  sanab  o‗tilgan  bo‗limlarni  aniq  bilmay  turib,  pediatriya  cohasi 
bo‗yicha  profilaktika  va  davolash  ishlarini  olib  borishligi  mumkin  emas.  Bolani 
yoshiga qarab unda kechayotgan morfologik va fiziologik jarayonini chuqur anglagan 
holdagina  jismoniy  va  asab-ruxiy  rivojlanishini,  klinik  va  laborator  tekshirishlarni 
to‗g‗ri  baholash,  bolalar  kasalligini  o‗ziga  xosligini  anglash  mumkin.  Bolaning 
jismoniy,  asab  va  ruhiy  rivojlanishini  faqat  chuqur  o‗zlashtirgan  holdagina  bola 
tarbiyasi,  kun  tartibini,  maqsad  va  vazifalarini  belgilab  bergan.  Keyingi  yuqorigi 
kurslarda pediatriya sohasi bo‗yicha dars berish faqat pediatriya kafedralarida emas, 
balki  yana  maxsus  kafedralarda:  bolalar  infeksiyasi,  bolalar  jarrohligi,  bolalar  asab 
kasalliklari,  bolalar  otolaringologiyasi,  bolalar  oftalmologiyasi  kafedralarida  davom 
ettirilib,  talabalarni  bu  sohalar  bo‗yicha  ham  bilim  va  amaliyotini  egallab  borish  im 
qoniyatlarini,  bolalarda  uchraydigan  har  qanday  kasalliklarni  aniqlab,  davolashni 
chuqur  o‗rganishni  ta‘minlaydi.  Oliygohni  muvofaqiyatli  tugatgan  talaba  bolalar  va 
o‗smirlar  kasalliklarini  aniqlash,  davolash  va  oldini  olish  bo‗yicha  malakali  tibbiy 
yordam  ko‗rsatadigan  shifokor  bo‗lib  yetishib,  «Umumiy  amaliyot  pediatri»  degan 
unvonga  ega  bo‗ladi.  Umumiy  amaliyot  pediatri  unvoniga  ega  bo‗lgan  shifoqor  o‗z 
bilimini  fan  yutuqlari  bilan  muttasil  boyitib  borib  va  uni  amaliyotda  tadbiq  etib, 
bolalar  sog‗lig‗ini  saqlash,  ularni  sog‗lom  o‗sishini  ta‘minlash,  kasallikni  aniqlash, 
davolash  va  oldini  olishdek  muhim  davlat  ahamiyatiga  ega  bo‗lgan  vazifaga  o‗zini 
munosib hissasini qo‗shib borishi lozim bo‗ladi.