Умумий гигиена ва санитария бйўича ќўлламалар

3. Спирал (Бачадон Ичи Воситаси) 
Спирал- малакали тиббиёт ходими томонидан бачадонга ўрнатиладиган кичик ҳажимдаги 
мослама. У бачадонга қўйилгандан сўнг эркак уруғининг бачадон найларига ўтишидан 
сақлайди. БИВ бачадонда 10 йилгача туриши мумкин, аммо бу унга зарар етказмайди. 
БИВ энг кўп учрайдиган турлари пластмасса ёки пластмасса ва мисдан тайёрланган. БИВ 
жинсий йўллар билан юқадиган касалликдар, жумладан ОИТВ/ОИТС билан 
касалланишнинг олдини олмайди. Шуниндек, жинсий йўл орқали юқадиган касаллик 
билан касалланган аёллга БИВни ўрнатиш жинсий аъзоларнинг яллиғланиш касалликлари 
(ЖАЯК) каби жиддий асоратларни келтириб чиқариши мумкин. ЖАЯК эса, бепуштликка 
олиб келади. 
БИВнинг кўп учрайдиган ножўя таъсири: 
 БИВ ўрнатилгандан сўнг биринчи ҳафта давомида оз миқдорда қон кетиши; 
 Дастлабки ойларда ҳайзнинг узоқ давом этиши, оғриқли кечиши ва кўп қон 
кетиши. Бу одатда 3 ойдан сўнг ўтиб кетади.
 Камқон ёки БИВ ўрнатилгандан сўнг камқонлик хасталигига дучор бўлиш хавфи 
юқори бўлган аёллар бу усулни қўлламаслиги лозим. Самарадорлиги: Жуда 
самарали. 
4. Презерватив 
Презерватив эркак уруғини аёлнинг жинсий аъзоларига тушишига тўсқинлик килади. 
Презерватив эркак ёки аёл организмнинг фаолиятига таъсир қилмайди. Бу усулнинг ножўя 
таъсири ҳам жуда кам. Аёлнинг кўкрак сути билан боқишига таъсир кўрсатмайди ва 
шуниндек, жинсий йўллар билан юқадиган касалликлар, жумладан ОИТВ/ОИТС билан 
касалланишнинг олдини олади. Аёл ҳомиладор бўлишни хоҳласа, у ва унинг турмуш 
ўртоғи презервативдан фойдаланмасликлари керак. Презервативлар дорихоналарда 
сотилади. Самарадорлиги: Тўғри ва доимо ишлатилганда жуда самарали бўлади. 
5. Лактация Аминорея Усули (ЛАУ) 
Яқинда она бўлган аёл ҳомиладорликдан сақланиш учун ЛАУ дан фойдаланиши мумкин, 
бунда у болани фақат кўкрак сути билан боқиши керак. Болани фақат кўкрак сути билан 
боқиш чақалоққа кўкрак сутидан бошқа ҳеч нарса (ҳеч қандай озуқа ёки суюқлик) 
бермасликни англатади. Она болани ҳар куни камида 8-10 маротаба эмизиши керак, шу 
жумладан, тунда камида 2 маротаба. Бу усул аёл тухумдонидан етилган тухум 
ҳужайранинг бачадонга тушишини олдини олади ва шу тариқа онани ҳомиладорликдан 
сақлайди. ЛАУ куйидаги ҳолатлардагина кутилган натижа беради: 
 Бола ёши 6 ойликдан кичик бўлиши, 
 Она болани фақат кўкрак сути билан боқиши, ва
 Онанинг ҳайз даври тикланмаган бўлиши керак. 
ЛАУ жинсий йўллар билан юқадиган касалликлар, жумладан ОИТВ/ОИТС билан 
касалланишнинг олдини олмайди.

---

Самарадорлиги: Тўғри фойдаланился, биринчи 6 ой давомида самарали бўлади.