Abdulla avloniy pandlar, hikoyalar, kitobidan

YOMON XULQLAR 

 

 

Insonlarni(ng)  saodati  abadiyadan  mahrum  qiladurgan,  janobi  Haq  qoshida 

va  xalq  nazarida  mazmum,  hayoti  jovidonimiz  uchun  masmum  bo'lgan  axloqi 

zamimalar:  g'azab,  shahvat,  jaholat,  safohat,  hamoqat,  atolat,  hasosat,  raxovat, 

anoniyat, adovat, namimat, g'iybat, haqorat, jibonat, hasad, nifoq, tama', zulmdur. 

 

Bu  sanagan  yomon  xulqlarning  fanoliqlarini,  yuqorida  sanagan  yaxshi 

xulqlarning  go'zalligini  insof  muvozanasi  ila  o'lchab,  vijdon  muhokamasi  ila 

tahqiqlab,  yaxshilarini  tinglab  amal  qilmak,  yomonlarini  onglab,  hazar  qilmak 

www.kitob.uz saytida elektron kitoblar, audio ertaklar, darsliklar mavjud

---

lozimdur.  Zeroki,  insonning  izzati,  dunyoning  lazzati  yaxshi  so'zlarni  eshutub  va 

ko'rub  hissa  olmak,  yomon  va  zararliklarini  o'qub  bilub,  o'zini  tiymak,  qo'ldan 

kelgancha xalq va millat foydasiga tirishmak va bu fano dunyodan yaxshilik otini 

olub ketmakdadur. Chunki har narsani haddan ortuqchasi isrofdur. Lekin yaxshilik 

va yaxshi sifat qancha ko'b bo'lsa, shuncha  mamduh va maqbuldur. Rasuli akram 

nabiyyi muhtaram sallallohu alayhi vasallam afandimiz: «Bandalaming yaxshirog'i 

bandalarga foydali bo'lganidur», -demishlar. 

 

 

 

 

 

Yaxshilik bozoridur dorulomon,  

 

 

Yaxshilik qil, yaxshilik qilmas ziyon.  

 

 

Maktab-u dunyoda kasb et yaxshi xulq,  

 

 

Farz, vojib, sunnat istihbobdan ber imtihon.  

 

 

Qilma makruh, harom, kibr-u g'urur manmanlig'ing,  

 

 

Chaqma inson jismini yo mor, yo misli chiyon.  

 

 

Yaxshilik, adl-u saxovatlar sani(ng) yoring esa,  

 

 

G'ibta aylarlar sanga ins-u malak, hur-u jinon.