Abdulla avloniy pandlar, hikoyalar, kitobidan

IDROK VA ZAKO 

 

www.kitob.uz saytida elektron kitoblar, audio ertaklar, darsliklar mavjud

---

 

Idrok va zako deb ochuq fikrli, xushtabiat, ziyrak bo'lmakni aytilur. Idrok va 

zako yaxshi xulqlaming ravzai rizvoni, ibrat ko'zlarining nuri rahmoniysidur. 

Chunki  idrokli  kishilar  har  bir  maqsad(n)ing  ostida  yashirin  o'lg'an  zamirlarning 

ma'nolari na yerdan borib chiqishini bilur. Ilm-u ma'rifat sohibi bo'lmak uchun sa'y 

va  g'ayrat  kerak  o'ldig'i  kabi  zehn  va  idrokning  ham  salo-mat  bo'lmog'i  shartdur. 

Shuning  uchun  yoshlikdan  boshlab  zehn  va  idrokimizni  quvvatlandurmak  uchun 

aziz  umrimizni  o'yin-kulgi,  safsata,  moloya'ni  kabi  behuda  so'zlar  ila  o'tkarmay, 

har  xil  kitob,  g'azita  va  jurnollarni  o'qub,  fikrimizni  ochmoq,  zehnimizni 

quwatlandurmak  lozimdur.  Zehnsiz  kishilarning  o'lchovsiz  so'zlari  o'zlarini 

uyaltirgoni kabi eshituvchini ham zeriktirur. 

 

 

Har kishining fikr, idrokin so'zi bildirg'usi,  

 

 

Pistai bemag'z, agar lab ochsa, rasvo bo'lg'usi. 

 

 

Idrok sohibi o'zini fozil va ulug' bilub, hamjinslariga haqorat ko'z ila boqub: 

«Bilasanmi?  Man  qanday  boy  va  obro'lik  kishiman»,  deb  maqtanub,  o'zini  katta 

qilub  ko'rsatmas.  Ustiga  yuklangan  diniy,  milliy  va  maishiy  vazifalarni  har  birini 

o'z  vaqtida  ado  qilur.  Mana,  shunday  kishilar  iki  dunyoda  obro'lik  bo'lub, 

o'lganlaridan so'ng «faloni xo'b, yaxshi zot edi, Xudo rahmat qilsun, millatga ko'b 

xizmat qildi, xalqg'a foyda yetkurdi», deb boshqalar tarafidan maqtalurlar. 

 

Hushyor  va  ziyrak  kishilar  kuch  va  quwatlari  bor  vaqtida  keladurgan 

zamonlarni  tushunub,  pul  va  mollarini  o'rinsiz  yerlarga,  to'y  va  ma'rakalarga 

haddan  ortuqcha  isrof  qilmaslar,  o'zlarining  rohati,  bola-chaqalarining  saodati 

uchun  kerak  bo'ladurgan  yer  va  bog'larini  sotmaslar,  zamonaga  muvofiq  kishi 

qilmak  uchun  bolalarini  o'qutmak  va  tarbiya  qilmak  to'g'risida  oqchalarini  aslo 

qizg'onmaslar. 

 

 

 

Idrok ila aqling-la ayur yaxshi-yamonni,  

 

 

Behudaga sarf etma shu qimmatli zamonni.  

 

 

Sa'y et, jadal et, ilm-u fununa harakat qil,  

 

 

Boq, nayladilar hikmat ila ushbu jahonni. 

 

 

 

 

 

 

 

 

 

 

 

 

 

 

 

www.kitob.uz saytida elektron kitoblar, audio ertaklar, darsliklar mavjud

---