Reja: Vatani borning baxti bor

Vatan taraqqiyotiga mening hissam
Reja:
1.Vatani borning baxti bor
2.’’Mana men –Yoshlikman!’’
3.O’zbekiston, ko’r bo’lsam kerak,
Gar seni sevmasam, seni demasam…
Mehribon va rahmli Yaratgan Egamga behad hamd-u sanolar hamda behisob hukronalar bo’lsinki, O’zbekiston deb atalmish jannatmakon yurtni bizga Vatan ayladi .Bu muqaddas tuproq jahonga qanchadan qancha daholar , olim-u fuzalolarni ,shuarolarni yetishtirib berdi .Vatan! U- beminnat . U – bag’rikeng. U-suyuk. Ba’zan barilla aytgim keladi: ‘’Vatan mening tomirlarimda!... Men vatanimdan minnatdorman. Quyosh sevgan yurt farzandi ekanimdan behad baxtiyorman.Vatanim menga baxt berdi.Har kuni iqbol ulashdi. Vatan menga o’zimni- o’zligimni tanitdi, kimligimni angladim.Vatan qo’llarimga qalam tutdi. Uning madhini bita boshladim. Vatan menga insonlikni , odam bo’lib yashashni o’rgatdi. Shu yurtda buyuk bobolarimni tanidim . Bugun O’zbekiston – yoshlar mamlakati! Har bir farzandining orzu- istaklari uchun qanot bermoqda . Ammo bu dorulomon kunlarga erishguncha yurtimiz boshiga juda ko’p musibatlar tushmagan deysiz. O’zbekistonim , sendan ayrilmoq - mening o’limim . Sening uchun o’lmoq mening tirikligimdir . Panohim, sajdagohim, umidim o’zingsan!
Yuqorida bejizga ‘’Men –yoshlikman’’, deya faxr bilan aytmadim. Sababi hech ikkilanmay ayta olamanki, bugun O’zbekiston - yoshlar mamlakati! Men ham shu aziz vatanning baxtiyor farzandiman va men vatanimdan minnatdorman! U menga faqat berdi , borini berdi. Ozor bermadi. Bolalikning uzun tunlarida onajonim aytgan hayot qo’shig’I -alla, dadajonim kuylagan Mashrab g’azallari, buvijonim o’qib bergan hadislar qalbimda , ong-u shuurimda vatan hissini jo aylab meni adabiyotga, ezgulikka oshno ayladi . O’sga alla-yu hadislar mittijon ruhimni sug’organ ulkan daryoga aylandi. So’qir ko’zlarimga go’yo nafas misoli vatan mehridan so’qmoqlar ochdi.
Ona Vatanim O’zbekistonim ! Senga oshno bo’lganimdan buyon sirdoshim o’zingsan . Orzu-yu armonlarimni senda ko’raman. Quyosh, o’z maskani bo’lmish osmonni tark etsa-da, ko’zlarimni yumsamda, nursiz kunlarimda sen qalbimda porlab turaverasan. Vatanim , senga oshnoman, senga shaydoman! O’zbekiston - yuragim ko’zgusi, orzularim belanchagi, yuksaklarda porlab turgan umidim yulduzi, qalbimning kaliti , umrimning mazmuni, hayotimdagi eng bebaho, jonimdan ortiq ma’vosan. Prezidentimiz Sh. M. Mirziyoyev sa’y- harakatlari bilan kechayotgan erkin va farovon turmushimizni, tinch va osuda hayotimizni ko’z qorachig’imizdek asrashimiz kerak. Bugun men: ‘’Menga imkoniyat beringlar , o’zimni ko’rsatib, bor mas’uliyatni o’z zimmamga olib vatanim ravnaqi yo’lida o’z hissamni qo’shaman deyayotirman .