Petrografiya

 

NEFELINLI SIENIT-FONOLIT GURUHI 

 

Nefelinli sienit fonolit guruhiga kiruvchi tog’ jinslari yer yuzida 

kam  tarqalgan  bo'lib,  hamma  magmatik  jinslarning  taxminan  bir 

foizchasini  tashkil  qiladi.  Ularning  intruziv  turlari  effuzivlariga 

nisbatan ko'proq rivojlangan.  

Abissal  tog’ jinslari. Nefelinli  sienit  o'rta, yirik donali, yoki 

traxitoidsimon  tog’  jinsi  bo'lib,  uning  tarkibida  ishqorli  dala 

shpatlari  (65-70  foiz),  nefelin  (20  foiz)  va  rangli  minerallar 

(10-15  foiz)  uchraydi.  Nefelin  miqdorining  oshib    borishi  bilan 

nefelinli  sienit  asta-sekin  dala  shpatlarisiz  feldshpatoidli  tog’ 

jinslariga o'tib boradi. 

Dala shpatlari nefelinli sienitlarda mikroklin-pertit yoki ortoklaz-

pertit,  ayrim  hollarda  esa  epimagmatik  albitdan  tashkil  topgan. 

Nefelinning  idiomorf  yoki  ksenomorf  kristallari  ko'pincha  egirin-

avgit, arfedsonit yoki lepidomelandan iborat. Egirin uzun prizmatik 

kristallarni  yoki  ksenomorf  donalarni  hosil  qiladi.  Ayrim  hollarda 

uzun, ingichka egirin kristallarini nefelinning yirik donalari qamrab 

oladi. Nefelinli sienitlarda magmatik kalsit (4-5 foiz) va ba'zan 

ko'p miqdorda evdialit, evkolit, astrofilitlarning uchrashi tabiiy. 

---

 

26 

Nefelinli sienit strukturasi gipidiomorf donali bo'lib, u femik va 

salik minerallar idiomorfizmning o'zgarib turishi bilan ajralib turadi. 

Tog’ jinslarining ayrim turlari agpait strukturali bo'lib, unga nefelin 

va  dala  shpatlarining  rangli  minerallarga  nisbatan  keskin 

idiomorfligi  xosdir.  Tog’  jinsini  tashkil  qiluvchi  minerallar 

miqdorining  barqaror  emasligi,  struktura  va  teksturaning  o'zgarib 

turishi  nefelinli  sienitning  ko'p  turlarga  bo'linishiga  olib  keladi. 

Tog’ jinslari birinchi marta topilgan joyni hisobga olib, ular xibinit, 

mariupolit va miaskit deb nomlangan.