Petrografiya

Gipabissal  tog’   jinslari. Gipabissal jinslar mikrosienit, sienit-

porfir, sienit-aplit, sienit-pegmatit va lamprofirdan tashkil topgan. 

Mikrosienit  va sienit - porfir sienitdan mayda donaliligi va porfir 

strukturaliligidan  tashqari  yana  dala  shpatlari  yuqori  haroratli 

modifikatsiyasi (anortoklaz)ning rivojlanganligi bilan farq qiladi. 

Sienit  -    aplitlarning  normal  va  ishqorli  turi  bor.  Normal 

sienit-aplitda ishqorli dala shpatlari bilan birga nordon yoki o'rta 

---

 

24 

plagioklaz  uchrasa,  ishqorli  turida  esa  u  uchramaydi.  Ikkinchi 

darajali  minerallarni  kvars,  feldshpatoidlar  va  rangli  minerallar 

tashkil  qiladi.  Sienit-aplitlar  mayda  donali  jins  bo'lib,  strukturasi 

allotriomorf -donalidir. 

Sienit  -  pegmatit    yirik  va  ulkan  (2-3  sm)  donali  tog’ 

jinsi.  Uning  tarkibida  asosan  dala  shpatlari  bo'lib,  oz  miqdorda 

rangli minerallar ham uchraydi. Sienit-traxit guruhining melanokratli 

turini    lamprofirlar      tashkil  qiladi.  Ularning  ikki  turi  mavjud.  

Minetta    slyudali  lamprofir  bo'lib,  qizg’ish,  qo'ng’ir  rangli  biotit, 

ortoklaz va aksessor minerallar ( apatit va ma'danli minerallar) 

dan  tashkil  topgan.  Bu  tog’  jinsiga  yirik  idiomorf  biotit 

donalarining  borligi  xosdir.  Odatda  minetta  ko'pincha  o'zgargan 

bo'lib,  uni  kersantitdan  ajratish  qiyin.  Vogezit  mayda  donali 

lamprofir bo'lib, uning tarkibida yashil shoh aldamchisi va ortoklaz 

bor.  Sienit  va  diorit  guruhiga  mansub  lamprofirlar  birbirlariga 

asta-sekin o'tib boradilar.