Petrografiya

 Gipabissal, effuziv   va   vulkanogen  tog’   jinslari.  Peridotit 

guruhining  gipabissal  turi  pikrit  va  pikrit-porfirit,  effuziv  - 

meymechit va vulkanogen turi kimberlitdan iborat. Pikrit -  porfirit  

ko'pincha  gabbro  guruhining  gipabissal  va  effuziv  turlari  bilan 

assotsiatsiya tashkil qiladi, kamroq peridotitlar bilan birga uchraydi. 

Tog’  jinslari  qora,  zich,  mayda  donali  bo'lib,  olivin  va 

piroksendan (avgit, gipersten)  tashkil topgan. Ayrim  hollarda 

uning tarkibida shoh aldamchisi, biotit va asos plagioklaz bo'lishi 

mumkin.  Aksessor  minerallardan  magnetit,  apatit  va  shpinel 

uchraydi.  Pikrit-porfiritga  birlamchi  minerallar  bo'yicha  ikkilamchi 

minerallarning yuqori darajada rivojlanishi xosdir. 

Meymechit  birinchi  marta  Sibir  platformasining  shimolida 

Meymechit  daryosi  havzasida  aniqlangan.  Tog’  jinsi  qora  rangli 

---

 

22 

bo'lib,  porfir  strukturali.  Porfirlar  olivindan  tashkil  topgan  bo'lib, 

asosiy massa vulqon shishasidan iborat. 

Kimberlit      tog’  jinsini  tashkil  qiluvchi  minerallar  olivin, 

flagopit, bronzit, perovskit, pikotit, apatit, ilmenitdan iborat. Unda 

piroksenit, peridotit, dunit, eklogit va boshqa jinslarning bo'laklari 

uchrashi  mumkin.  Kimberlitlar  trubkasimon  jism  bo'lib,  portlash 

trubkasini-diatermani hosil qiladi. Ular chuqurda peridotit daykalari 

bilan  qo'shiladi.  Bu  tog’  jinslari  katta  geologik  ahamiyatga  ega 

bo'lib,  yer  qobig’i  barqaror  oblastining  (kraton)  o'ziga  xos 

mahsulidir. Portlash trubkalari Sibirning shimoliy sharqida, shimoliy 

Kareliyada, Afrika va boshqa regionlarda bor.