Математика фанини ўҚитишда замонавий ёндашувлар ва инновациялар модули бўйича

6-принцип. Тест топшириқлари мазмуни фаннинг ҳозирги замон 
ҳолатига мослиги принципи. 
Мазкур принцип тест топшириқлари мазмунини жамиятимизда содир 
бўлаётган ижтимоий-иқтисодий, маънавий-маърифий қарашлар, ҳуқуқий 
меъёрлар, фаннинг ўқув курси таълим мазмунига киритилган фан 
янгилиқларига мослашни талаб этади. Шуни қайд этиш керакки, ўқув курси 
мазмуни таҳсил олувчилар томонидан шу курсга оид илмий билимларни 
ўзлаштириш жараёнида ўзига хос ва мос проекцияни ҳосил қилади. 
Юқорида қайд этилган фикрлардан кўриниб турибдики, тест 
топшириқларининг мазмуни ҳам замонавий, ҳам таҳсил олувчилар 
томонидан илмий билимларни ўзлаштириш босқичларига мос бўлиши лозим. 
7-принцип. 
Тест топшириқлари мазмунининг мажмуали ва 
мувозанатлашган бўлиши принципи. 
Мазкур принцип тест топшириқлари мазмунини танлашда мақсадга 
мувофиқликни келтириб чиқаради, яъни рейтинг тизимининг назорат иши 
учун тузилаётган тест топшириқларининг мазмуни унинг тури ва 
қўлланишини эътиборга олинган ҳолда боб, бўлим ёки курс мазмунини тўлиқ 
қамраб олишини тақозо этади. Шунингдек, назорат иши учун тузилаётган 
тест топшириқлари фаннинг назарий масалалари, тушунчалар, қонунлар ва 
қонуниятлар, гипотезалар, фактик материаллар, масала ва машқларни ўзида 

---

101 
мужассамлаштириши лозим. 
8-принцип. 
Тест 
топшириқлари 
мазмунининг 
тизимлилиги 
принципи. 
Мазкур принципга асосан, тест топшириқларининг мазмунини танлашда, 
мазмун таҳсил олувчиларнинг ўзлаштирган билим, кўникма ва малакаларини 
назорат қилишда тизимлилик талабларига жавоб бериши лозим. Ундан 
ташқари тест топшириқларининг тизимли мазмуни, бир-бири билан узвий 
боғланган билимларнинг умумий структурасини акс эттириши зарур. Демак, 
ҳар бир тест топшириғи умумий билимлар тизимидан унинг муайян қисмини 
назорат қилишига эътибор қаратиш лозим.