Математика фанини ўҚитишда замонавий ёндашувлар ва инновациялар модули бўйича

Педагогик тестлар - бу қийинчилик даражаси бўйича ўсиб борувчи, 
ўзига хос шаклга эга, таҳсил олувчиларнинг муайян мазмун юзасидан 
тайёргарлик даражасини сифатли ва самарали назорат қилиш ва баҳолашга 
имкон берадиган топшириқлар тизими саналади. 
Топшириқлар тизими дейилганда, муайян мавзу, боб, бўлим ёки фан 
мазмунини ўзида мужассамлаштирган ва тизим ҳосил қилувчи хусусиятга эга 
бўлган ўқитувчи томонидан танланган топшириқлар мажмуаси тушунилади. 
Тест топшириқларининг ўзига хос шакли оддий савол-жавобдан фарқ 
қилиб, тест топшириғи саволлари ва жавоблари қисқа ва лўнда бўлиши билан 
изоҳланади. 
Тест топшириқларининг муайян мазмуни дейилганда фан мавзулари ва 
уларнинг мазмунидаги назорат қилиниши лозим бўлган ўқув материаллари 
тушунилади. 
Тест топшириқларининг ўсиб борувчи қийинлик даражалари тизим 
шаклида мужассамлаштирилган топшириқда дастлабки тестлар репродуктив, 
продуктив, кейингилари қисман-изланишли ва ижодий (креатив) бўлиши 
назарда 
тутилади. 
Тест 
топшириқларининг 
қийинлик 
даражаси 
кўрсаткичлари тизим ҳосил қилувчи, шу билан бир қаторда топшириқлар 
структурасини аниқловчи омил саналади. 
Тест топшириқларининг мантиқий жиҳатдан асосланганлиги мезони 
ўзида савол ва топшириқларнинг мантиқий кетма-кетликда акс эттирилиши 
тушунилади.Тест топшириқлари мантиқий тузилишига кўра индуктив ёки 
дедуктив бўлиши мумкин. Тест топшириқларининг жавоблари мазмунга мос, 
қисқа фикрли, аниқ, лўнда, тўғри ва нотўғри жумлалардан иборат бўлади. 
Тест топшириқларидаги тўғри ва нотўғри жавобларнинг таркибидаги сўзлар 
бирикмаси ва сони бир хил бўлиши талаб этилади. 
Таҳсил олувчиларнинг билим даражаси тест топшириқлари орқали 
назорат қилинган ва олинган натижаларни таҳлил этиш орқали уларнинг 
мазкур фан бўйича ДТС билан меъёрланган билим, кўникма ва малакаларни 
эгаллаганлик даражаси аниқланади. Шуни қайд этиш керакки, тест 

---

98 
топшириқларида билимлар структурасининг кетма-кетлиги тўғри ва нотўғри 
жавобларнинг мантиқий йўналишда талаб даражасида берилиши лозим. 
Талаб даражасида тузилган тест топшириқларининг натижалари, яъни 
таҳсил олувчиларнинг тўплаган баллари ва кўрсаткичлари мазкур фан бўйича 
ўқув жараёнининг мақсадга мувофиқ ташкил этилганлиги, таълимнинг 
индивидуаллаштирилганлиги, табақалаштирилган ёндашувнинг мавжудлиги, 
педагогнинг педагогик маҳорати, назоратнинг ҳаққонийлигига бевосита 
боғлик бўлади.