Математика фанини ўҚитишда замонавий ёндашувлар ва инновациялар модули бўйича

Репродуктив даражадаги тест топшириқлари таҳсил олувчиларнинг 
томонидан ёдда сақланган билим, кўникма ва малакаларни таниш одатий 
вазиятда ахборотларни қайта ишламасдан жавоб қайтаришни талаб этади. Бу 
даражада тузилган тестлар таҳсил олувчилар томонидан ўзлаштирган билим, 
кўникма ва малакаларни аниқ баҳолаш имконини бермайди. 
Продуктив даражада тузилган тест топшириқлари таҳсил олувчилар 
томонидан ўрганилган объектларни қиёслаш, ўхшашлик ва фарқларни 
аниқлаш, умумий хулоса чиқариш орқали жавоб беришни талаб этади. 
Қисман-изланишли даражадаги тест топшириқлари таҳсил олувчилар 
томонидан ўрганилган объектларнинг хусусиятларини бошқа объектга 
кўчириш, мазкур объектларни таққослаб, кейинги объектнинг ўзига хос 
хусусиятлари ҳақида хулоса чиқариш, қисман изланиш олиб боришни талаб 
этади. Таҳсил олувчилар томонидан мазкур даражадаги тест топшириқларига 
жавоб беришда аввал ўзлаштирилган билимлар янги вазиятларга кўчирилади. 
Ижодий (креатив) даражада тузилган тест топшириқлари таҳсил 
олувчилар томонидан ижодий фикр юритиш кўникмаларига эга бўлиш, 

---

97 
мазкур тест топшириқларини бажариш жараёнида таҳсил олувчилар 
томонидан аввал ўзлаштирилган билим, кўникма ва малакаларни янги 
кутилмаган вазиятларда қўллашни талаб этади. 
Дастлабки репродуктив ва продуктив даражадаги тест топшириқлари ўқув 
фан бўйича тасдиқланган ДТС ининг минимал даражасига, қисман-
изланишли ва ижодий (креатив) даражадаги тест топшириқлари ДТСининг 
максимал даражасига мос тузилиши зарур. 
2. Тест топшириқларининг табақалаштириш мезони. 
Таҳсил олувчилар томонидан кийинчилик даражаси ва мазмунан бир хил 
тест топшириқларни бажариш орқали олинган натижаларига мувофиқ 
табақалаштириш мезони уларни кучли, ўрта ва кучсиз гуруҳларга ажратиш 
мумкин. Музкур табақалаштириш орқали таҳсил олувчилар томонидан 
ўзлаштирган билим, кўникма ва малакаларидаги типик камчиликлар ва 
бўшлиқларни аниқлаш, уларга барҳам бериш йўлларини топиш имконини 
беради.