Математика фанини ўҚитишда замонавий ёндашувлар ва инновациялар модули бўйича

1-принцип. Тест топшириқлари мазмуни синов мақсадига мослиги 
принципи. 
Мазкур принцип таҳсил олувчиларнинг ўзлаштирган билим, кўникма ва 
малакаларини назорат қилиш ва баҳолаш рейтинг тизимининг назорат 
турларида тест топшириқларининг мазмуни мақсадга мувофиқ танланишини 
талаб этади. Шуни қайд этиш керакки, рейтинг тизимининг назорат турлари 
назорат ишлари топшириқлари бир-биридан нафақат дидактик мақсади, 
балки мазмуни ва мазмуннинг ёритилиш даражаси билан фарқ қилишини 
назарда тутиш лозим. 
2-принцип. 
Назорат ва бахоланаётган билимларнииг муҳимлиги 
принципи. 

---

100 
Муҳимлик принципи тест топшириғи саволларига ўқув дастуридаги энг 
муҳим қонун, назария, тушунча ва кўникмаларни киритишни талаб этади. Бу 
жараёнда иккинчи даражали маълумотлар, рақамлар ва фактик материаллар 
тест топшириқларига киритиш тавсия этилмайди. 
3-принцип. Мазмун ва шакл бирлиги принципи.
Мазкур принцип тест топшириқларининг мазмуни ва шакли бир-бирига 
мос, яхлитликни ташкил этишини талаб этади. Тест топшириқларининг 
мазмунини танлашда билимларнинг турлари ва уларнинг ўзига хослигини 
эътиборга олиш ва мос равишда шаклни танлаш лозим. 
4-принцип. Тест топшириқларининг мазмунан тўғрилиги принципи. 
Тест топшириқларига ўқув курси мазмунидаги объектив ва ҳақиқий 
билимлар киритилиши мақсадга мувофиқ. Мазмундаги бахс ва мунозарага 
олиб келадиган масалалар тест топшириқларига киритилмаслиги лозим. Бу 
ҳолат таҳсил олувчиларнинг ўзлаштирган билим, кўникма ва малакаларини 
ҳаққоний ва одилона назорат қилиш ва баҳолаш имконини бермайди. 
5-принцип. Тест топшириқлари мазмунида ўқув курси мазмунининг 
қайта тақдим этилиши принципи. 
Мазкур принцип тест топшириқларини тайёрлашда ўқув курси мазмунини 
тўлиқ ва етарли даражада қамраб олинишини назарда тутади. Ўқув курси 
бўйича ташкил этиладиган таълим-тарбия жараёнида мавзулараро, 
боблараро, бўлимлараро ва фанлараро боғланишларга етарли даражада 
эътибор қаратилган, мазмунан бу жараён ўқув материалида ўз аксини 
тушунчалар ўртасидаги боғланишлар шаклида топган бўлса, бунда ҳамма 
мавзулар бўйича эмас, балки танланган асосий мавзулар ва боблар бўйича 
тест топшириқлари тайёрланади.