Science and education scientific publishing center virtualconferences. Press international conference science and

 May 2021
SCIENCE AND EDUCATION
бебаҳо неъмат эканини юрак-юракдан ҳис қилиб, мустақиллик, озодлик, барқарорлик ва
тинчлик учун ҳамиша, ҳар дам курашга тайёр бўлиб туришимиз лозим.
Қувончлиси шуки, Ўзбекистонда дунёни янгича идрок этадиган, ҳақ-хуқуқи учун
курашадиган ўз тақдирини халқи, ватани тақдири билан бир деб билиб, фаолият кўрсатаётган 
янги авлод шаклланмоқда. Улар ҳам аждодлар маънавий меросини ва ҳам умумбашарий
қадриятлар ақлий кашфиётларни баробар ўзлаштирмоқдалар. Юрагида миллий ифтихор 
туйғуси, тадбиркор инсонлар ҳар бир мамлакатнинг салоҳияти, келажагини белгилайдиган 
буюк кучдир. Жамиятда элни сафарбар этувчи етук инсонлар қанча кўп бўлса, тараққиёт 
имконияти ҳам шунчалик кўп бўлади ва айни вақтда юрт осойишталиги, сиёсий, иқтисодий 
барқарорлик кафолати юзага келади. Демак, етук, баркамол инсон ўз тарихи, ўз халқи, ўтмиши 
ҳақида ҳақиқатларни билиб олган, иймони бутун, хулк-атвори намунали шахсдир. Шахс эса 
жамиятда ибрат бўладиган ишларни амалга оширган, онг-шуури, туғри сўзи, жонкуярлиги 
билан ажралиб турган обрў-эътиборли одамдир. 
Етук шахсларнинг ҳаёти ва ишлари улуғ ибрат, тарбия сабоғидир. Тўмарис, Широқ, 
Муқанна, Фаробий, султон Жалолиддин, Амир Темур, Бахоуддин Нақшбанд, Камолиддин 
Беҳзод, Нажмиддин Кубро, Улуғбек, Хожа Ахрор Вали, Навоий, Бобур, Бехбудий, Чўлпон 
ва бошқалар ана шундай ибрат намунаси бўладиган шахслар эдилар. Улардаги мардлик, 
жасорат, ватан учун жонфидолик энг олижаноб, энг улуғ хислатлардир. Улар ақлу заковати, 
истеъдод ва ижодини ҳам энг эзгу қадрият – Ватан йўлига сарфлаганлар. Комил инсон жамики 
инсонларнинг хақиқатидир, яъни одамийлар одамийсидир. Комил инсон – бир идеал, барча 
дунёвий ва илоҳий билимларни эгаллаган, рухи мутлақ рухга туташ, файзу кароматдан сероб, 
сурату сийрати саранжом, қалби эзгу туйғуларга лиммо-лим покиза зот.
Комил инсон, шундай қилиб, одамзод орзу қилган жамики эзгу хислатларнинг ифодачиси. 
Бу балки хақиқат, балки ривоят, нақлдир, унга ишониш-ишонмаслик ҳар кимнинг ўз иши. Аммо
ривоятлар тагида улкан бир ҳақиқат бор. Бу ҳақиқат шундан иборатки, дунёнинг тинчлиги ва 
фаровонлиги, инсоният бутунлиги ҳақиқатан ҳам доно ва оқил, пок ниятли одамлар фаолиятига 
боғлик.