Microsoft Word nizami g?NC?Vi-sirl?R x?Zin?SI. doc

_______________ Milli Kitabxana _______________ 
75 
 
Sünbülün busəsindən yaralanmış nəstərən,  
Gül dodağı incimiş qönçənin kirpiyindən. 
 
Xeyrinin ox qabında daha qalnamış tikan,  
İstər qalxana dönsün, istər diləsin aman. 
 
Titrəyir salxım söyüd oxla vurulmuş kimi,  
Lalənin manqalından qalxan dumanmı, çənmi? 
 
Sanki dalğalı çəmən qanadlanıb qalxacaq,  
Yasəmən təzəlikdən damla damla axacaq. 
 
Burda şəkər qamışı təbəssüm saçdı yenə,  
Sarı güllər boyandı qırmızı ləl rənginə. 
 
Hələ sərxoş çiçəklər, sərsəri çöl gülləri...  
Gül ətrilə açılıb yellərin şən dilləri. 
 
Turuncun yarpağından yaşıl görünən səma,  
Əlində qızıl narınc birdən çıxdı qarşıma. 
 
Fələklər bayrağını qızıl şəfəqlə süslər,  
660 
       Yaşıl bahar güləşib, onu yıxmaqmı istər? 
 
Bu göyərən aləmin hər gülü, hər çiçəyi, 
Sanki yerin canıdır, göylərin də ürəyi. 
 
Yaşılbaş dan ulduzu doğar hər gün dan üzü,  
"Daim yaşıl qalasan, ey bağ!" - Söylər bu sözü. 
 
Gəlib burdan keçəndə yaşıllığını lək-lək,  
Girov qoymuşdu sanki yaqutu çalan fələk. 
 
Günəşin qaynağından işıq almış hər bulaq,  
Cənnət hurilərinin gözlərindən də parlaq. 
 
Otlar namaz qılarkən seldən əl suyu almış,  
665 
       Qüslə görə şükr edib, qalxıb bir boy ucalmış. 
 

---